Mənzili ən yaxşısı haradan almaq olar
Mənzil alma qərarı demək olar ki, insanın həyatda qəbul etdiyi ən vacib qərarlardan biridir. Hər kəs ömrünün sonuna kimi işdən sonra ailəsi ilə bir yerdə itirahət edə biləcəyi bir mənzil axtarır. Ev alarkən, əsasən mənzilin tikintisinin bitmə vaxtına, onun qiymətinə, yerləşdiyi yerə və s. diqqət yetirirlər. Bütün bu amilləri dəqiqləşdirdikdən sonra, əlavə olaraq başqa nüanslar da peyda olur. Binalar kərpicli, monolit, monolit-karkas, panel və s. olurlar. Onlar həm xarakteristikasına görə, həm də qiymətdə fərqlənirlər. Bəs bina seçərkən hansına üstünlük vermək lazımdır? Əsas tikinti materialı kimi kərpic istifadə olunur. Dünyada çox tələb olunan bir materialdır. Kərpic düz formaya malik süni daşdır. O, mineral materiallardan hazırlanır, istiyə və soyuğa davamlıdır, özü də möhkəm materialdır. Ondan uzunömürlü və möhkəm evlər tikmək olar.
Tikilən evlərə isə istənilən formanı vermək olar, memarlar tikinti zamanı heç bir konkret planla çərçivələnmirlər. Bu cür evlər çox rahat və keyfiyyətli alınırlar, istiliyi daxildə saxlayırlar, nəmişliyi həm hopdura həm də buraxa bilirlər, yəni nəfəs alırlar, ekoloji cəhətdən təmiz olurlar, müxtəlif mikroorqanizmlərə və göbələklərə qarşı dözümlü olurlar. Lakin çatışmayan cəhətlərindən biri odur ki, kərpicdən ev tikmək çox mürəkkəb və çətin məsələdir. Tikinti prosesi çox vaxt aparır, hardasa iki ilə qədər bir müddəti əhatə edir və xərcləri də çoxdur. Buna görə də hal-hazırda daha ucuz və az vaxt tələb edən tikinti materialları kərpici bazardan çıxışdırıb çıxardır.
Panel evlər nisbətən ucuz və tez əmələ gəlirlər. Tikinti vaxtı üç aydan bir ilə kimi davam edə bilər. Onun əsasında yığma üsulu dayanır. Əvvəlcədən zavodlarda hazırlanmış iri dəmir-beton piltələr bir-birinə keçirilərək, bina ucaldılır. Bu cür evlərin maya dəyəri kərpic evlərlə müqayisədə aşağı olur, ancaq bu panelin qalınlığından asılı olaraq dəyişə bilər. İstilik keçirmə və səs izolyası birbaşa panelin keyfiyyətindən asılıdır. Panelin layları nə qədər çox olsa, keyfiyyəti bir o qədər çox olar. Ən optimal variant üç laylı sendviç paneldir. Lakin panellər nə qədər keyfiyyətli olsalar da, panellərin birləşmə boşluqlarından soyuq hava üfürür. Üstəlik ölçülərinin iriliyinə görə tikilən evə istənilən cür forma vermək olmur.
Monolit evlər iki yerə ayrılırlar: monolit və monolit-karkas. Monolit ev texnologiyası müasir günümüzdə aktualdır, ancaq monolit-karkas üsulu onu bazardn çıxardır. Monolit-karkasda əsas ağırlıq daşıyıcı dəmir-beton sütunların üzərinə düşür. Xarici divarları isə demək olar ki, istənilə materialdan hazırlayırlar. Monolit evlərin əsas xüsusiyyəti onların fərdi olmalarıdır. Bu cür evlərdə daşıyıcı sütunlar olduğu kimi qalır, ancaq ev sahibi arakəsmələrlə istədiyi cür davranıb, mənzilinə istədiyi formanı və görünüşü verə bilər. Monolit tikinti həmçinin yüksək sürət verir, istilik saxlama, soyuqdan qoruma, ekoloji təmizliyə malik olur.
Mənfi cəhətlərindən biri durmadan qalxan qiymətidir. Üstəlik bu cür tikinti üsulundan istifadə etmək istəyən şirkətlər xarici bəzək işlərində qənaət etmək arzusunda ola bilərlər. Nəticədə müəyyən müddətdən sonra siz keyfiyyətsiz tikintinin nəticələri ilə üzləşməyə başlayarsınız. Bu cür hadisələrdən yan keçmək üçün çalışın tikinti bazarında öz sözünü demiş və əsas məqsədi keyfiyyət olan tikinti şirkətlərinə müraciət edəsiniz. Adətən nüfuzlu şirkətlər illərin təcrübəsindən istifadə edərək, büdcələrini düzgün formada müəyyənləşdirirlər və bir işi elə planlayırlar ki, yarıda qalmasın. Birincisi ona görə ki, möhkəmlənmiş şirkət tikinti biznesindən yaxşı gəlir əldə edir, üstəlik bu üstünlüyü əldə etmək üçün illərlə əziyyət çəkilir. Bəzən iqtisadi çətinliklər tikinti vaxtının uzanmasına gətirib çıxara bilər, amma bu zaman şirkət xərcləri keyfiyyətdən kəsməkdən imtina edir.
