Yeni alınmış mənzili təmir edərkən kefiyyətsiz materialları necə tanımalı
Hal-hazırda bir çox tikinti şirkətləri öz müştərilərinə hazır təmirli mənzillər təklif edirlər. Ancaq təmirsiz evlər də bazrada öz aktuallığını qoruyub saxlayır. Səbəb isə təmirli mənzillərə nisbətən daha ucuz başa gəlmələridir. Elə olur ki, müştərinin əlindəki məbləğ ancaq təmirsiz mənzilə yetir və alıcı da düşünür ki, təmiri sonra da edə bilər. Təmir işində ən vacib amilllərdən biri tikinti materiallarıdır. Bazarda istənilən qiymətə, çeşiddə və ən əsası kefiyyətdə tikinti materialı tapa bilərsiniz. İndi bizi maraqlandıran məsələ tikinti materiallarının kefiyyət göstəricisidir. Bu seçim elə bir şeydir ki, gərək yüz ölçüb bir biçəsən. Biz də çalışacağıq bu yazımızda sizə düzgün yol göstərək.
Bəzən satılan materialın sənədləri qaydasında olmasına baxmayaraq, yenə də defektli çıxa bilir. Bundan yan qaçmaq üçün bir sıra məsələləri bilmək lazımdır.
Müasir zəmanədə materiallar bazara satışa çıxarılmamışdan qabaq ciddi şəkildə yoxlamadan keçirlər və standarta uyğun olmayan materiallar bazara çox nadir hallarda daxil olar bilirlər. Malın bazar kefiyyətli şəkildə çıxması vacib oamil olması qədər, onun saxlanma şəraiti də standartlara uyğun olmalıdır. Əks halda dediyimiz kimi, bütün sənədləri üstündə olan tikinti materialı alıb tikinti yerinə gətirdiyinizdə və ya istifadə etdiyiniz zaman defekti üzə çıxacaqdır. Buna görə də diqqətli olmaq vacibdir.
Başlayaq sementdən. Sement əsas tikinti materialıdır. O, beton və bunun kimi müxtəlif hissələri və elementləri birləşdirməyə qadir olan digər tikinti məhlullarının hazırlanmasında əvəz olunmazdır. Sementin əsas struktur komponentləri əhəng və gildir. Su ilə kontakt zamanı elastik kütləyə çevrilir, daha sonra bu kütlə bərkiyərək daş cisim əmələ gətirir.
Sementin kefiyyətini yoxlamaq üçün ondan bir hissəni ovcunuza götürərək sıxın. Əgər toz şəklində dağılsa demək yaxşıdır, yox əgər xırda girdələr əmələ gəlsə bilin ki, kefiyyətsizdir və lazmi sərtliyə malik deyil. Həmçinin istehsal tarixinə baxın. O, anbarda nə qədər uzun müddət qalırsa, bir o qədər də öz kefiyyətini itirir. Çünki düzgün saxlanma şəraiti olsa belə, yenə də onu uzun müddət saxlamaq olmaz.
Taxta-şalban materialları gündəlik olaraq itifadə olunur. Onlara tavanları və divarları üzlərkən, xarici bəzək işlərində rast gəlirik. Əlbəttə ki, yaxşı kefiyyətdə taxta lövhələr almaq lazımdır. Taxta-şalbanların kefiyyətini yoxlamağın iki üsulu var. Birincisi, vizual baxışdır, ikincisi isə döyüb səsini dinləməkdir.
Vizual baxış zamanı ilk öncə taxtanın rənginə fikir vermək lazımdır. Əgər sizi şam və ya küknar alırsınızsa, o zaman odunlar lazımi açıq rəngə və sıx struktura malik olmalıdırlar. Qara şam isə kələ-kötür səthi və tünd-qonur çaları ilə seçilirlər. Ağacların özlərinin təbii defektləri olur. Bunlara budaqcıqlar, çatlar, çürüntülər və s. aiddir. Yaxşı olardı ki, budaqcıqlarla, çatların sayı minimuma endirilsin. Əgər sizi taxta-şalban üzərində göbələklərin və çürüntülərin izini gördünüzsə, qəti şəkildə almayın. Bu cür defekti aradan qaldırmaq qeyri-mümkündür.
Döyüb səsini dinləməklə isə yoxladıqda isə, baltanın arxası ilə taxtaya vurub dinləyirsiniz. Əgər taxtadan boğuq səs çıxırsa, deməli onun kefiyyəti çox aşağıdır və böyük ehtimalla mirkoorqanizmlər tərəfindən zədələnmişdir. Həmçinin, taxtanın nəmişlik dərəcəsinə fikir verin. Taxta tamamilə quru olmalıdır.
Taxta və sement ilə yanaşı kərpic də önəmli tikinti materialı sayılır. Onun kefiyyətini müxtəlif üsullarla yoxlamaq mümkündür. Ən əsas yoxlama üsulu vizual üsuldur. Klinker irifraksiyalı əhəng və daş səpələnməsi olmadan eyni rəngli bərabər eynicinsli struktura malik olmalıdır. Kərpic çatsız, qopuqsuz, döyülmüş künclərsiz şəkildə tam olmalıdır. Taqqıldatma zamanı boğuq deyil, cingiltili səs verməlidir. Əyriliyini yoxlamaq üçün üzərinə maye xəttkeşi qoymaq kifayətdir.
Əgər qum alırsınızsa, onu da sement kimi yoxlayın. Ovcunuza bir az götürüb sıxın. Əgər yumrulanırsa, demək tərkibində çoxlu miqdarda gil var.
Pəncərə şüşəsi alarkən, onun rənginə fikir vermək lazımdır. Ancaq az miqdarda mavi çalar ala bilər, ancaq ümumilikdə təmiz şüşə şəffaf olmalıdır.
Şiferin kefiyyətini vizual olaraq asanca təyin etmək olur. Listlərdə çatların olması qəbul olunmazdır, rəngi isə tünd olmamalıdır, əks təqdirdə şiferin uzun müddət qeyri-normal şəraitdə saxlandığını bildirir.
