Kreditle satılan evlərin ən sərfəlisini necə seçməli
Demək olar ki, əhalimizin çox hissəsinin maddi durumu aşağıdır. Heç kim nəğd pulla mənzil almaq iktidarında deyil. Elə bu səbəbdən tikinti şirkətləri kredit sisteminə üstünlük verirlər. Bildiyiniz kimi şirkətlərin sayı günü-gündən artır. Şərtlər də, qiymətlər də şirkətə görə dəyişir. Bəs onlardan hansının bizim üçün daha sərfəli olduğunu necə müəyyən edə bilərik?
Biz bu işdə sizə yardımçı olmağa çalışacağıq. Əminəm ki, məsləhətlərimiz sayəsində düzgün seçim edəcəksiniz.
1. Yaşadığınız şəhərdə mövcud olan bütün tikinti şirkətlərini araşdırın və siyahı tutun
2. Növbə ilə zəng edib qiymət və şərtlərlə maraqlanın
3. Onları diqqətlə müqayisə edin.
4. Şəxsi gəlir və xərclərinizi dəqiqləşdirin. Aylıq ödəniş sizin imkanlarınızı aşmamalıdır.
5. Sizə uyğun ərazini müəyyən edin
6. İmkanlarınıza və kriteriyalarınıza qisməndə olsa uyğun gələn şirkətlərin hamısı ilə görüşün
7. Müqavilə ilə tanış olun. Müqaviləni mütləq hüquqşunaşa göstərin
8. Şirkətin özü haqqında kiçik araşdırma aparın
9. Şirkətin təhvil verdiyi, yaşayış mövcud olan komplekslərini araşdırın. Sakinlərdən bir neçəsi ilə söhbət edin. Nə qədər razı və ya narazı olduqları barədə informasiya toplayın. Mənzillərlə tanış olub yaşayış zamanı hansı problemlərin yarandığı ilə maraqlanın.
10. Mümkün qədər uzunmüddətli kreditlər götürməyin. (Siz qarşıda olan 5 ili proqnoz edə bilərsiniz. Amma 15 ildən sonra harada işləyəcəksiniz bunu heç kim deyə bilməz)
11. Şirkətin əməkdaşlıq etdiyi bankın nə qədər etibarlı olub-olmadığını araşdırın. (daxili ödəmə də mövcud ola bilər)
12. Faizsiz kreditə üstünlük verin. Əgər şirkət sizə faizsiz kredit təklif etdiyini deyirsə siz nəğd ödənişin miqdarı ilə maraqlanın. Kreditlə təklif olunan məbləği hesablayın və nəğd ödənişlə müqayisə edin
13. Seçim etdikdən sonra müqavilə, ödəniş qəbzi tələb edin
14. Vaxtlı-vaxtında ödəniş edin
15. Hər ay tikinti meydancasına gedib iş prossesini izləyin
16. Əgər mənzilinizə qapı qoyulubsa təmir işlərinə başlayın. Mənzili özünüzün təmirsiz alıb təmir etdirmək daha ucuz başa gəlir. ( Siz təmir zamanı təbii ki, öz büdcənizi nəzərə alacaqsınız. Təmirin qiyməti sizin seçdiyinin materialların qiymətindən asılı olaraq dəyişir.)
17. Nə çox aşağı, nə də çox yuxarı mərtəbələrdən seçim etməyin. (Lif işləmədiyi müddətdə evə qalxmaq sizə çətin ola bilər. Eyni zamanda yuxarı mərtəbələrdə qiymət yüksəkdir.
18. Üz-üzə tikilən binalardan mənzil götürərkən binanın elə hissəsindən seçim edin ki, pəncərəniz, eyvanınız qonşunun pəncərə və eyvanı ilə üz-üzə olmasın. (Qonşularınız mənzilinizin içini görə bilməsinlər. Bu sizin rahatlığınızı poza bilər. ) Eyni zamanda şəhəri seyr etmək imkanından məhrum olmayın. (Binanın bu hissəsindən mənzilə demək olar ki, hava daxil olmur. Çünki, bina havanın qarşısını kəsir)
19. Təmirə soyuq aylarda başlayın. (Qış ayları təmirə təlabat az olduğundan ustalar və tikinti biriqadaları ucuz qiymətə xidmət təklif edir)
20. İmkan düşdükcə tikinti materiallarını öncədən alıb saxlayın. (Qış aylarında tikinti materiallarına təlabat az olduğundan qiymət düşür)
21. Kredit bitən kimi Asan xidmət vasitəsi ilə dərhal evi sənədləşdirin.
22. Təmir bitdikdən sonra təbii ki, yaşamağa başlayacaqsınız. əşyalar seçərkən diqqətli olun. Mənzildə sərbəst hərəkət edə bilməniz üçün az əşya və mebeldən istifadə edin. Əgər mənziliniz bir otaqlıdırsa, və ya ümumiyyətlə kvadratı kiçikdirsə funksional mebellərdən istifadə edin (məsələn açılan divan, həm kitabrəfi həm də TV sent kimi istifadə edə biləcəyiniz mebel və.s).
23. 1 otaqlı mənzili 2 otaqlı etmək istəyirsinizsə evi çox hissələrə bölməyə ehtiyac yoxdur. Əvəzində mətbəxi elə dekor edin ki, həm mətbəx, həm də yemək (qonaq) otağı kimi istifadə edə biləsiniz. (Bu üslub məzilinizə daha müasir görkəm verəcək. Xarici ölkələrdə mənzili dar olan sakinlər ən çox bu üsluba müraciət edirlər ) Qonaq otağı kimi nəzərdə tutulan otağı isə yataq otağı edə bilərsiniz.
Sizə yeni evinizdə xoşbəxt həyat diləyirik...
