Yeni köçdüyünüz evi su basıbsa, nə etməli
Təsəvvür edin bina evində yeni mənzil alıb köçmüsünüz. Və üstündən heç bir gün keçmir, görürsünüz ki, tavandan evinizə su tökülür. Bina evlərində məzilinin su basması hər bir sakinin qorxduğu əsas amillərdən biridir. Əsasən də bu, üst qonşuların səriştəsizliyi ucbatından baş verir. Heç kim bu cür hadisədən sığortalanmayıb. Bu hadisə ilə üzləşdikdə vəziyyəti necə minimallaşdırmaq olar? Əslində mümkündür. İndi bu haqda danışacağıq.
Müasir boruların getdikcə daha da möhkəm və etibarlı olması barədə düşünmək insana xoş təəssürat yaradır. Onlar heç bir paslanmadan qorxmadan sizə uzun ömür xidmət etmə bacarığına malikdirlər. Biz öz evimizdəki xəttləri yeniləsək də və onların etibarlılığı barədə rahat olsaq da, qonşuların köhnə boruları barədə eyni şeyi edə bilmərik. Hələ bura qonşuların unutqanlığını da əlavə etsək, açıq qalmış krantlar sizin üçün əməlli başlı baş ağrısı ola bilər. Buna görə də əgər sizin evi su basıbsa və hələ də basırsa nə etməli olduğunuz barədə kiçik bir məsləhət verək.
İlk etməli olduğunuz iş evin enerji xəttini ayırmaqdır. Bunun üçün evdəki bütün cihazları ayrı-ayrılıqda enerji mənbəyindən ayırmaq deyil, birbaşa elektrik şitindən etmək lazımdır. Mənzilinizdə elektrik şitinin harada olduğunu bilmirsiniz? Elə indicə bunu öyrənməyin vaxtıdır. Bu çox lazımlı bilikdir. Elektrik şiti əsasən çöldə olur. Orada sayğacın yanında avtomat olur. Onu söndürməklə mənzilin ümumi enerjisini kəsə bilərsiniz. Avtomatik öz-özünə atacağını oturub gözləməyin. Evi su basdığı təqdirdə sizi cərəyan vura bilər. Nəzərə alın ki, su çox yaxşı elektrik keçiricisidir.
Ardınca üst qonşuya qalxıb, məsələ ilə bağlı geniş məlumat almaq lazımdır. Ola bilsin ki, su axıntısının qarşısı alınıb, fəlakətin mənbəyi lokallaşdırılıb və zərərləşdirilib, nəticələrlə sakitcə məşğul olmaq olar. Ola bilsin ki, şok çox güclü olub deyə hələ axan krant bağlanmayıb və su axını davam edir. Ən azı maraqlanmaq lazımdır ki, nə baş verib və köməyə ehtiyac varmı. Öz qonşularınıza qarşı aqressiya göstərmək lazım deyil, nəzərə alın ki, onlar da sizin kimi hadisənin qurbanlarıdırlar. Bəs əgər qonşular evlərində deyillərsə, nə etməli? Heç bir şəkildə qapını sındırmağa çalışmayın, bu, pis nəticə ilə qurtara bilər. Su xəttinin xidməti ilə məşğul olan quruma zəng edib xahiş edin ki, gəlib ümumi dayaqda su axınını kəssinlər. Əgər orada telefonu götürməsələr, o zaman FHN-ə zəng edin.
Bu mərhələdə çalışın lazimi sənədləri yığın. Hadisə yerindən fotolar çəkə bilərsiniz. Döşəmədən su təmizləndikdən sonra elektrik enerjisini avtomatdan yandırmağa tələsməyin. Bunun üçün elektriki çağırın. Nəzərə alın ki, zədələrin çoxunu siz yerində deyil, yalnız hadisənin üstündən bir neçə gün keçdikdən sonra görə biləcəksiniz. Buna görə də su basma hadisəsi ilə bağlı akt tərtib edə biləcək xidmət işçisini çağırın. Qonşularınız stress altında öz günahlarını boyunlarına alsalar da və bütün xərcləri qarşılayacaqlarını desələr də, sənədli formada akt sizin sabaha sığortanızdır. Sənəddə mütləq şəkildə su basma hadisəsinin səbəbləri konkret olaraq qeyd olunmalıdır. Bu müxtəlif səbəblərə görə baş verə bilər.
Suyu sildikdən sonra, tavanınızda yığılmış suyu xüsusi istilik topu ilə qurutmaq mümkündür. Ancaq nəzərə alın ki, suyun miqdarı çox olduqda evinizdə hamam effekti yarana bilər. Buxar çıxsın deyə pəncələri açsanız, çöldəki soyuq hava istilik toplarının faydalı iş əmsalını aşağı sala bilərlər. Buna görə də tikinti üçün nəzərdə tutulan xüsusi hava qurudan qurğu əldə edib işə sala bilərsiniz. Suyun özü ilə gətirdiyi çirki təmizləmək üçün bütün tavanı sökmək lazım gəlmir bəzən. Sadəcə bu tavanı quraşdıran ustaları çağırın onlar asanlıqla tavanın bir hissəsini söküb oranı təmizləyəcəklər.
