Həyət evi yoxsa bina evi seçimi günümüzün əsas məsələlərindən biridir.
Bu məqalədə həyət və bina evi arasındakı müsbət və mənfi cəhətləri göstərməyə çalışacağıq.
Bildiyimiz kimi,bu ikili arasındakı qiymət fərqi nəzərə çarpacaq qədərdir.Ölkəmizdə yaşayış statistikasının bina evlərində üstünlük təşkil etməsinə baxmayaraq,həyət evlərinə olan tələbat bir o qədər də az deyil.Bunun səbəbi kimi,yuxarıda qeyd etdiyimiz qiymət fərqi və ya şəxsi istəkləri göstərə bilərik.
Bina və həyət evi arasındakı fərqləri bir neçə bəndlə daha aydın bir şəkildə izah edək:
1)Qiymət fərqi
Şəhərətrafı ərazilərdə həyət evləri üçün minimal məbləğ 30000 AZN olduğu halda,eyni ölçülərə sahib olan bir bina evinin qiyməti 50000 AZN’dən başlayır.Təbii olaraq,qeyd etdiyimiz qiymətlər vahid norma kimi qəbul olunmamalıdır.Bu qiymətlər şəhərin müxtəlif ərazilərindən asılı olaraq dəyişir.Misal üçün,Sabunçu rayonu ərazisində orta şəraitli 3 otaqlı bir həyət evinin qiyməti 30.000 AZN olduğu halda,Xətai rayonunda eyni şəraitli bir evi əldə etmək üçün,70.000AZN ödəməli olacaqsınız.Halbuki,Yasamal rayonu ərazisində 3otaqlı bir mənzilin satış qiyməti 68.000 AZN olduğu halda,Xətai rayonunda 120.000 AZN’dir.Qeyd etdiyimiz rəqəmləri nəzərə alaraq deyə bilərik ki,müxtəlif səmtlərdən asılı olaraq,qiymət fərqi müxtəlifdir.
2) Şəxsi istəklər
Bakı ətrafı ərazilərdə hər nə qədər bina evləri olsa belə, həyət evlərinə daha çox üstünlük verilir. Bunun əsas səbəbi olaraq şəxsi istəklər göstərilir. Keçirdiyimiz sorğunun nəticəsinə baxsaq, görərərik ki, çoxüzvlü bir ailə həyət evinin tərəfdarıdır. Şəxsi istəklər dedikdə ailə üzvlərinin maraqları nəzərdə tutulur. Məsələn, həyət evlərində manqal, hovuz, yaşıllıq və bu kimi həyət evlərinə xas olan möhvumlar ev almaq istəyən şəxsləri həyət evinə yönləndirir. Bu kimi amilləri də nəzərə alsaq, həyət evləri daha xoş təsir bağışlayır.
Günümüzün bina evləri isə büdcə cəhətdən insanların qəlbincə deyil. Bunun üçün isə daha ucuz olan həyət evləri ön plana çıxır. Bir qrup insan torpaq alıb sıfırdın ev tikdirmək, digərləri isə hazır evləri almaq qərarına gəlir.
Ümumi məxrəcə gəlsək, bu iki seçimi düzgün və düşünülmüş etmək labüddür.
