Evim evim şirin evim. Əbəs yerə deyilməyib bu söz.
Həyatımızın ayrılmaz bir parçası , təməl ehtiyaclarımızın ən öndə gələni ,yorucu iş gününün ardından rahatlıq tapdığımız tək ünvan ,acı və şirin xatirələrimizin səssiz şahididir evimiz . Mental dəyərlərə bağlı bir millət olduğumuzdan müqəddəs məkan hesab edilir evimiz bizlər üçün. Gərəkdir ki ata ana ocağı ifadəsinin kökü də bu müqəddəslikdən irəli gəlir.Bu yazımızda bizlər üçün bu qədər vacib olan bir məkanın düzgün seçimindən danışacağıq.Günümüzün reallıqlarından biri də budur ki hazırda ev əldə etmək çox da asan məsələ deyil.Təbii ki söhbət orta statistik azərbaycanlı ailəsinin ev əldə etməsindən gedir.Elə isə min bir əziyyət hesabına ərsəyə gətirdiyimiz yuvamız hər bir cəhətdən optimal olmalıdır.
Evin yerləşdiyi ərazi , konstruksiyası , arxitektur quruluşu , bina və ya həyət evi olması və s bütün bunlar seçimimizə təsir edən vacib amillərdir.Ev alarkən bina yoxsa həyət evi dilemması qarşısında çoxları qalır.Elə isə gəlin doğru seçimi birlikdə edək. Bina evlərini səciyyələndirməkdən başlaya bilərik seçimə.Etiraf edək ki dəniz və ya gözəl dağ meşə mənzərəsi olan bir ərazidən ev almırıqsa ki bu da əvvəldə də qeyd etdiyimiz kimi orta gəlirli azərbaycanlı ailəsinin cibinə uyğun deyil bina evlər hər bir cəhətdən həyət evlərinə uduzur.Əgər premium yaşayış massivindən deyil köhnə quruluşlu binalardan ev alırsınızsa ağlınıza ilk olaraq bu evlərin ən mənfi tərəfini səsi küyü gətirin.
Əgər bəxtiniz gətirməyib bəyəndiyiniz ərazidəki binanın aşağı mərtbəbəsindən mənzil tapa bilməyərək üst mərtəbədən mənzil əldə edirsinizsə bakının və ümumən azərbaycanın bir çox şəhərlərinin lift problemini göz önünə gətirin.Yeni ailə qurmusuz və büdcəniz binadakı mənzilinizə günümüzün omazsa olmazı kondisioner quraşdırmağa imkan vermirsə yay fəslində əziyyət çəkəcəyinizi unutmamalısız. Təbii ki həyat yoldaşınızın cehizində kondisionerdə varsa o zaman bu mövzuda bir qədər şanslısınız deməkdir.
Ev almaq istədiyiniz binanın su kanalizasiya xətti köhnədirsə əlavə xərclər çəkməli olacaqsız. Əlbəttə bu mövzuda üst mərtəbədəki qonşu və ya alt mərtəbədəki qonşu ilə münasibətlərin heç də yaxşı olmayacağını da nəzərə alın.Avtomobil sahibisizsə binanın qarşısında qarajınızın olması mütləqdir ( daha bir əlavə xərc: ya qaraj almalı ya da kirayə götürməlisiz). Ev alma qonşu al prinsipini də unutmayın. Əgər qonşularınızla sülh və dost şəraitində yaşamaq istəyirsinizsə deməli qarşılqlı olaraq bəzi güzəşt və məhdudiyyətlərə məhkumsuz.
Mərkəzi istilik sistemi olmayan bina evlərinin özünəməxsus qış çətinliklərinin olduğunu da göz ardı etmək olmaz. Bir də kibrit qutusuna bənzətdiyimiz bina evində qonaq qarşıladığınızı fərz edin.Təbii fəlakət olan zəlzələ və ya torpaq sürüşməsindən də hələ heç kim sığortalanmayıb. Fikirləşin ki zəlzələdir və siz çoxmərtəbəli binanın 7-ci mərtəbəsində yaşayırsınız.Bura yanğın təhlükəsizliyi məsələlərini də əlavə etsək deməli çoxmərtəbəli binada yaşamanın riskləri böyükdür ( çoxmərtəbəli binalarda yanğın baş verən zaman ölüm halları daha çox xilas olmaq istəyən şəxsin hündürdən hoppanması səbəbindən baş verir və bu bir aksiomadır).El arasında panel evlər kimi bildiyimiz bina evlər var ki yay da çox isti qışda isə çox soyuq olur.
Yaşadığınız binanın qarşısında övladınızın istədiyi kimi qaçması oynaması üçün park yoxdursa deməli vəziyyət ürəkaçan deyil. İndi isə gəlin çox da böyük olmayan büdcənizə uyğun bir həyət evinin üstünlüklərinə nəzər salaq. Alt üst qapı qonşusu problemləri yaşamayacaqsız.Ən azından üst və ya alt mərtəbə qonşunuzun evində gedən təmir işlərinin səsi küyü sizi narahat etməyəcək.Lift problemi deyə bir qayğınız olmayacaq.Avtomobiliniz varsa maşınınız evinizin həyətində təhlükəsizlikdədir demək.Həyət evlərinin genişliyi və hündürlüyü yay üçün əvəzedilməzdir.Həyətinizdə kiçik də olsa torpaq əraziniz varsa işdən sonra burada qurdalanmaq əla stress atır.
Ev heyvanı həvəskarısınızsa ürəyiniz istədiyi kimi balaca dostunuzu saxlaya bilərsiz ( bina evlərində gigiyenik və digər baxımdan ev heyvanının saxlanması məsləhət deyil). Təbii fəlakət,yanğın təhlükəsizliyi kimi arzuolunmaz hallardan bina evlərinə nisbətən daha sığortalı olacaqsınız. Övladınız evinizin həyətində gözünüzün önündə çox əylənəcək. Həyət evinin üstünlükləri sadaladıqlarımızdan daha çoxdur.Misal gətirdiklərimiz bunlardan sadəcə bir neçəsidir.Deməli ev alarkən elə ən doğru seçimi həyət evi almaqla edə bilərsiniz.
