Təmir zamanı nədə qənaət etmək olar

İstər satış, istərsə də kirayə və ya yaşayış üçün təmir olunan mənzillərdə mənzil sahibləri hər zaman təmir zamanı qənaət etmək istəyirlər. Hərdən qənaəti elə şeydə edirlər ki, orada onu etmək olmaz, hərdən də elə yerdə də çox pul xərcləyirlər ki, orada az xərc ilə də qane olmaq olar. Bugün təmir zamanı harada qənaət etmək olar barədə söhbət açacağıq.

Bəzən elə olur ki, alınacaq hissələrin qiyməti elə baha olur ki, düşünürsən ki, ümumiyyətlə nədəsə qənaət etmək olar? Cavab veririk: bəli, olar.

Bəzək materiallarında həm qənaet etmək olar, həm də olmaz. Əsas odur məsələyə düzgün baxışı anlayasan. Məsələn, sizi divarınızı hər hansı bir rənglə boyamaq istəyirsiniz. Bu zaman seçim qarşısında qalanda eyni rəngi istehsal edən ona yaxın şirkət seçirsiniz. İlk öncə şirkətin nüfuzu, boyanın keyfiyyəti, zəmanəti, rəylərini öyrənin, ən sond da qiymətini. Eyni parametrə cavab verən şirkətin qiyməti ucuz olanı seçə bilərsiniz.

Əgər siz bazarda dizaynerlik cəhətdən bəyəndiyiniz çilçırağa rast gəlsəniz, ancaq onun qiyməti cibinizə uyğun olmasa, narahat olmayın. Mütləq bu dizaynda başqa şirkətin münasib qiymətə çilçırağını tapa bilərsiniz. Özü də çin istehsalı olmaya da bilər.

Mebel də elə çilçıraq kimi münasib qiymətə, keyfiyyətlisini tapa bilərsiniz. Sadəcə almağa tələsməyin, bir az araşdırın. Əgər evinizdə köhnə mebelləriniz varsa, onları atmayın. Mebelləri təzələməklə onlara ikinci həyat bəxş edə bilərsiniz. Misal üçün köhnə sandığı kiçik çay stolu kimi istifadə etmək olar. Yeni dizaynlarda mebel kimi paletlərdən istifadə olunur.

Əgər evinizdə əlavə aksessuarlar və dekor sevirsinizsə, o zaman burada da pulunuzu xərcləməyə tələsməyin. Nə vaxtsa xaricə gəzməyə gedəndə oradan ucuz qiymətə istədiyinizi alıb gətirə bilərsiniz. Başqa bir variant kimi ikinci əl aksesuarlar ala bilərsiniz.
Parça materialına gəldikdə, burada qənaət etmək olar. Lakin düzgünlüyə də riayət etmək lazımdır. Parça seçimini soyuq və isti kimi iki hissəyə ayırmaq lazımdır. Əgər siz yayda səyahət etməyi və ya bağ evinə köçməyi sevirsinizsə, o zaman bahalı yay parçası almağa dəyməz. Ancaq xüsusi günlər üçün lazım olan parçalarda pul xərcləmək haradasa lazımlıdır.

Bundan başqa plitkalarda qənaət edə bilərsiniz. Əsasən onların görünmədikləri yerlərdə: mətbəxin, vannanın, dolabların altında. Sadəcə almamışdan qabaq uyğunluq olsun deyə qalınlığını yoxlayın. Ucuz plitka alıb onu mozaika ilə birgə səthə vurmaq olar. Divar kağızlarında da qənaet etmək olar. Otaqda əsas gözə gəlimli bir divara xüsusi dizaynerli divar kağızı vura, qalan divarları isə ya boyaya ya da adi divar kağızı ilə örtə bilərsiniz. Bəzi dizaynlarda ev əgər kərpicdən səliqəli formada tikilibsə suvaq ilə boyanı qaşıyıb divara onun təbii formasını verirlər. Nəticədə divara əlavə nəyinsə vurulmasının qarşısını almış olursunuz.

Bəziləri mətbəxt dəstində çox pul xərcləyirlər. Lakin nəticədə gündə bir dəfə yemək bişirirlər vəı ya yemək qızdırırlar. Bunun üçün çox xərcləmək lazım gəlmir. Ehtiyacınız olduğunuz şeylərdə keyfiyyətə baxın, qalan üçüncü dərəcəli lazımlı şeylərdə isə qənaət etsəniz də olar.

Giriş qapılarında qənaet edə bilərsiniz. Lakin heç bir halda bu kilidə tətbiq etməyin. Evinizin təhlükəsizliyi birbaşa ondan asılıdır. Uyğun qiymətə isə keyfiyyətli qapı tapa bilərsiniz.
Döşəməni vurarkən ilk öncə köhnələrini atmamışdan qabaq usta ilə məsləhətləşin. Ola bilsin ki, köhnəsini yaxşıca yonub üzərinə parıltı vurmaqla yeni döşəmə effekti yaratmaq olar. Yox əgər köhnə parketlər heç nəyə yaramırsa, o zaman ucuz, amma kefiyyətli material tapa bilərsiniz.