1 otaqlı mənzilin təmir işinə necə nəzarət etməli
Hər hansı bir mənzili satmaq və ya kirayə vərmək istədikdə, ilk öncə onun səliqəliyinə fikir verilməlidir. Bu cür yanaşma mənzilin tez bir zamanda yaxşı qiymətinə səbəb olur. Evin səliqəli olması üçün onun təmirə ehtiyacı olur. Bu təmir prosesi uzun da çəkə bilər və yaxud da kiçik komsetik işlər də bəs edə bilər. Bu artıq mənzilin mövcud vəziyyətindən asılıdır. Təmir işlərini adətən vətəndaşlar ya özləri aparırlar, ya da ki, təmir ustalarını çağırırlar. İnsan öz evini öz təmir etdikdə, hər şeyi qabaqcadan bilir və bir şeyi təmir etdikdə, çalışır ki, tələsməsin, qaydasında etsin. Lakin bunu kənardan gələn ustalar barədə demək çətin olur. Bəziləri ustalar özlərini usta kimi göstərsələr də, öz işlərini sizin evinizin üzərində öyrənmiş olurlar. Bu cür hallara yol verməməkdən ötrü bir sıra məsələlərdən xəbəriniz olmalıdır ki, ustaların işini müntəzəm olaraq nəzarət edəsiniz.
Təmir vaxtı əsasən elektrik yuvalarına diqqət yetirin. Onların düzgün hündürlükdə və məsafədə olmalarını yoxlayın. Bunun üçün xüsusi standartlar var. Məsələn, elektirk yuvası paltar yuyan maşında, qaz borusundan düzgün məsafədədirmi.
Razılaşanda çalışın ki, kvadrat metrinə filan qədər məbləğ ilə razılaşmayasınız. Xüsusi müqavilə imzalayasınız ki, onlar sizə bir ilə qədər zəmanət versinlər və istifadə olunan materiallara görə cavabdehlik daşısınlar.
İşin gedişinə başlamazdan əvvəl ustalardan necə iş görəcəkləri barədə məlumat alın. Yəni işlər xüsusi qaydada olaraq, ardıcıllıq .əklində getməlidirlər. Məsələn, rəngsaz divara yalnız elektrik işləri bitdikdən sonra suvaq çəkir.
İstər elektrik istərsə də, boru xəttlərinin çəkilməsinin layihəsini tələb edin ustalardan. Nəyin hara və üçün qoşulacağını qabaqcadan öyrənin. Layihə çəkildikdə yaranacaqlar səhvlər sıfıra enir. Əks halda nəyisə yenidən etməli olacaqsınız. Sanitar qovşağında boruları gizlədən pəncərəni çox kiçik etməyin. Gələcəkdə borularla bağlı yaranacaq problemi aradan qaldırmaq istəyəndə, ustalar o pəncərədən içəriyə daxil olub iş görə bilməyəcklər.
Əgər sənədləşmədə divarların və künclərin hamarlanması 90 dərəcə yazılıbsa, o zaman yozlayın ki, o elə də olsun. Yox əgər səndləşmədə qeyd olunmayıbsa, o zaman ən azı bu, qapı girəcəklərində və döşəmə yaşmaqlarında olmalıdır.
Mebellərin və qapıların quraşdırılacaqları yerlərin düzgün ölçüdə olmasını yoxlayın. Əgər, bir santimetr uyğunluq gəlməsə sonradan mebel və ya qapı ustalarına əlavə xərc ödəməklə səhvi düzəldə biləcəksiniz. Buna görə də sifariş verdiyiniz qapı və mebellərin ölçüləri təmir ustalarının etdikləri ilə üst-üstə düşməlidir.
Döşəməni vurarkən, aralıqların hidro izolyasiya və şüşəliflərin düzgün səliqəli formada düzülüşünə fikir verin. Üzərini tam örtdükdən sonra, çəkic ilə taqqıldadaraq, səsi yoxlayın. Səs boğuq olmalıdır. Su tərəzisini döşəməyə qoyaraq, onun düz olmasını ölçün. Bu prosesi döşəmənin müxtəlif yerlərində olmaqla üç-dörd dəfə təkrar edin.
Suvaq işləri görülərkən, tələsməyin. İşə davam etmək üçün suvaq tamamilə qurumalıdır.
Sanitar qovşağında kafel vurmamışdan qabaq suyun axacağı hissənin bucağını ölçün. Bu mərhələ çox vacibdir. Əgər döşəmə kanalizasıya xəttinə doğru getdikcə enməsə, o zaman su sanitar qovşağın kənarlarına yığılaraq, axıb getməyəcək. Bu da sizə gələcəkdə əngəllər törədəcək. Döşəmənin əyriliyini eynilə su xətkeşi ilə ölçmək lazımdır.
Boyanmış yerləri diqqətlə yoxlayın. Divarlarda və ya tavanda ləkə izləri qalmamalıdır. Vurulan divar kağızlarının işarələri digərləri ilə üst-üstə düşməlidir. Divar kağızları divara yaxşı yapışsınar deyə, ilk yapış həm divara, həm də divar kağızına hopdurulmalıdır. Divara yapışqan vurulmamışdan qabaqsa divara xüsusi məhlul çəkilməlidir.
Prosesə necə diqqət etsəniz, son nəticədə bir o qədər yaxşı alınacaq.
