Studiyalı mənzillərin yaxşı və pis tərəfləri
Evini satmaq və ya kirayə vermək istəyənlər bəzən kiçik evdə bunu edə bilmirlər. Nəticədə arakəsmələrdə dəyişiklik edərək, otaqları birləşdirirlər. Mətbəxlə qonaq otağının birləşdirilməsi studiya adlanır. Əlbəttə ki, studiyalı mənzillərin həm yaxşı tərəfləri, həm də pis tərəfləri var. Burada hər iki tərəfə baxacağıq.
Bu mənzil tipini 1920-ci ildə Lüdviq Mis van der Roe kəşf etmişdir. Bu mənzili sərsəbst layihə tipi kimi irəli sürmüşdür. O ABŞ-da və Avropada 1960-cı illərdə məşhurluq qazandı. Hal-hazırda da özünə çoxlu maraq cəlb edir. Bizdə bu cür mənzillər 90-larda yayılmağa başladı. O vaxtlar bir və iki otaqlı mənzilləri genişləndirirdilər. XXI əsrdə bu tip yeni tikililərdə də tətbiq olunsa da, tikinti şirkətləri alıcılara studiyalı mənzilləri hazır şəkildə təklif etmirdilər. Ancaq indi alıcı mənzili almamışdan qabaq ona evin studiyalı forması da təklif olunur.
Studiyalar müasir yeni tikililərdə sahəsinə görə ən kiçik mənzillərdilər. Onların sahələri adətən 20-35 kv metr civarında olur. Buna görə də ən ucuz mənzillər də elə bunlar sayılırlar. Daşınmaz əmlak bazarında onların qiyməti hardasa otuz-qırx faiz ucuz olur. Studiyalarda adətən arakəsmələr olmadığına görə otaqda qaranlıq hissələr olur. Baxmayaraq ki, sahə kiçik olur, işıq mənzili tamamilə örtür.
Bu tipdə mənzillər üzərində müxtəlif dizayner təcrübələri aparmaq olur. Mənzili müxtəlif zonalara bölməklə, hər bir zonaya fərdi yanaşmaq olar. Studiya tipli mənzillər cavanlara birinci ev kimi çox uyğun sayılır. Həm kiçik, amma komfortlu və maraqlı layihə ilə.
Studiyanın yaxşı tərəflərindən başqa, çatışmayan tərəfələri də var. Böyük ailələr üçün studiyalı mənzillər darlıq edirlər. Studiyanın sahəsi kiçik və arakəsmələrsiz olduğu üçün, uşaqsız ailə cütünə sərf edir.
Kiçik sahə, kiçik və yığcam mebellərdən istifadə deməkdir. Buna görə də bu cür mənzil alarkən, qabacaqdan nəyi hara qoyacağınızı düşünüb planlaşdırın. Ola bilsin ki, qabarit ölçüləri böyük olan əşyalardan qurtulmalı olacasaqsınız. Studiya tipli mənzillərdə ayrıca qalmaq demək olar ki, mümkün deyil. Yemək bişirilən zaman qoxu və ya kənarda olan səs-küy yataq otağına o dəqiqə yayılır.
Studiyalı mənzillər qiymətcə ən ucuz mənzillərdir. Bu qiymət 25000 AZN-dən başlayır. Deməli studiyalı mənzilləri kimlər seçə bilər: geniş otaqlı mənzil almağa pulu çatmayan, mənzildə iki nəfərdən artıq qalmayan, əşyaları çox olmayan, müasir dizayn və təcrübə etməyi sevənlər.
Studiyalı mənzillərin mütləq ki 25 kvadrat metr olması şərt deyil. Burada ən kiçik mənzil sahəsi kimi götürlənib. Yəni, minimum bi kvadratda siz həm dəhliziniz, həm mətbəxiniz, həm də yataq otağınız ola bilər, sadacə hamısı birləşmiş formada. Bundan başqa 43.5 kvadrat metrli 1 otaqlı mənzili hətta studiyalı formada iki otaqlıya da çevirmək olar. O mənada ki, qonaq otağı ilə mətbəxi birləşdirə bilərsiniz, bu olar bir otaq, bir də əlavə yataq otağınız olar. Bundan qabaqkı məqalələrin birində 1 otaqlıda studiyalı mənzil düzəldilməsi barədə yazmışıq. Oxuya bilərsiniz.
Bundan başqa evini kirayə vermək istəyən vətəndaşlar üşün 25 kvadrat metrlik mənzil sərf edir. 25 000 AZN alınan mənzili ayına 250 AZN-ə kirayə verməklə, həm ipotekanın xərcini ödəyə bilərsiniz, həm də əgər mənzili nəğd qiymətinə almısınızsa, əlavə gəlir əldə edə bilərsiniz. Hər iki variantda əlavə mənziliniz olur.
Sonda belə bir nəticəyə gəlmək olar ki, ilkin vaxtlar üçün pulunuz olmayanda bir otaqlı studiyalı ev alıb, onu gələcəkdə ailəniz böyüdükdə satıb daha geniş bir mənzil ala bilərsiniz.
