Bapbalaca boyu var, dam dolusu toyu var…
Balaca mənzil sahibləri üçün bir neçə hiylə tövsiyəsi
Dizaynerlər və dekoratorlardan ən yaxşı fikirlər
Tələbələr, cavan ailələr, tək yaşayan subay insanlar – gördeyünüz kimi, balaca mənzillərə tələbat olduqca çoxdur. Günümüzün tendensiyasına uyğun olaraq balaca mənzil almaq və onu döşəmək, təmir etdirmək daha ucuz başa gəlir. Xanımlar da mənimlə razı olar ki, belə bir mənzili yığıb-yığışdırmaq da daha çox rahatdır. Amma belə bir problemlə üzləşə bilərsiniz: balaca mənzilləri funksional və rahat etmək mümkündür mü? Əlbəttə, mümkündür. Sadəcə nə edəcəyinizi bilməlisiniz. Indi Siziə bir neçə faydalı missal verəcəyəm.
Bir neçə masa almaq ( nahar masası, iş masası, kofe masası) – nəinki artıq pul xərcləmək deməkdir, həm də onsuzda az olan yeri doldurmaq deməkdir. Belə hallarda daha ağıllı davranmaq lazımdır – sadəcə bir də masa-transformer alın, onlar bir rahat əl hərəkəti ilə yüksəkliyini və sahəsini dəyişə bilir. Mənim bir tanışımın evində görmüşdüm belə masanı – lap möcüzələr yaradır!

Dizaynərlər hər dəfə bunu təkrarlamaqdan yorulmurlar: “Şəffaf mebel balaca mənzillərin olmazsa olmazıdır”! Belə mebel çox zövqlü görünməsindən savayı, həm də asanlıqla məkanda “əriyir”. Bizə də elə bu lazımdır. Razılaşın, belə mebelə bazanda, adam özünü yüz il ötədə hiss edir.

Belə bir situasiyanı təsəvvür edin: arzularınızın divanını almışsınız, lakin bu gözəllik evinizi bəzəmək əvəzində, bütün sahəni tutub. Hələ bu da az qalmış kimi, birdən anlayırsınız ki, divan çox dardır, üç insan orada gücnən oturur. Nədir məsələ? hiylə divanın enli belində və qıraqlarındadır – kiçik mənzillərdə belə bir divanın yeri yoxdur. Belə hallarda söz divan və kreslodan düşürsə, daha çox onların “işləniləcək sahəsinə” fikir verin, və çalışın ki, artıq detallardan imtina edəsiniz.

Əgər komodda və ya servantda yer qalmayıbsa, o saat panikaya düşməyə gərək yoxdur. Xatırlayın ki, Sizin hələ divarlarınız da var, və divardan asılan rəf Sizin bir nömrəli köməkçiniz olacaq. Istənilən rəng və dizaynda alınan və asılan rəflər nəinki Sizə əşyalarınızı saxlamağa kömək edəcək, həm də otağa estetik baxımından fərahlıq və rəng verəcək.

Güzgü yalnız xanımların deyil, balaca mənzillərin də ən yaxın dostudur. Onlar hansı olursa olsun sahəni visual şəkildə daha böyük göstərir. Burada Sizin fantaziyanız sərbəst ola bilər: missal üçün, güzgüdən qapılı şkaf sifariş edə bilərsiniz, divarda çərçivəyə salınmış xırda güzgelərdən şüşəbənd düzəldə bilərsiniz ( çox tərzli görünür), və yaxud divara enli çərçivəyə salınmış bir güzgü asa bilərsiniz – beləliklə, bir dənə də pəncərəniz olar. Əsas, sonar o güzgüləri səliqədə və təmizlikdə saxlamaqdır.

Rəflər haqqda bir az daha danışaq. Onlar sahənin orqanizasiyası üçün əvəz olunçaz çözümdür. Amma onu bilməlisiniz ki, kiçik bir mənzil üçün rəf seçimidə bir şeyə diqqət yetirməlisiniz: baxın ki, rəfin arxa səddi olmasın. Siz rəftən ürəyiniz istədiyi kimi istifadə edə bilərsiniz, və bunun ilə bərabər aqtıq sədd otağın sahəsini “yeməyəcək”.

Balaca sahənin orqanizasiyası üçün bir dənə də variant – sovet dövründən yaxşı xatırladığımız divan - yataqlar. Indiki divan – yataqlar çox çevikdir, və bir neçə konstruksiya görünüşü ala bilir. Istəyirsiniz, kreslo kimi istifadə edib outrun, istəyirsiniz, taxt qurub “piknikə” çıxın, istəyitsiniz isə onu yatağa çevirib yuxunuzu alın. Divan – yataqların konstruksiyası olduqca rahatdır, və onların transformasiyası üçün çox da güc xərcləmək lazım olmur.

Mənzil balaca olanda bir neçə o qədər də lazım olmayan mebeldən imtina etmək tam təbii işdir. Lakin, çılçıraqlardan imtina etməyə dəyməz. məsələn, bralardan istifadə edə bilərsiniz, onları divara bərkitmək olar.