ZAMANIN OYUNU: SAAT İNTERYERİN DEKORATİV ELEMENTİ KİMİ
Zaman heç kəsi gözləmir, ona görə zamanı həmişə göz qabağında saxlayın.
Müasir dövrdə saatsız yaşamaq mümkün deyil, buna görə də saatı evdə mütləq şəkildə görünən yerə qoyun. Öz əsas funksiyasından savayı ( vaxtın dəqiq göstərilməsi ), saat həm də gözəl bir dekor elementi kimi interyerdə yer alır. Onların “dəqiq” köməyi ilə interyeri tamamlamaq və onun tərzini daha da maraqlı etmək olar. Belə saat evdə parlaq aksent yaradan element rolu da oynaya bilər. İri döşəməüstü taxta saat ( onlara “grandfather clock” da deyirlər), divarüstü saat, saat – şəkil, masaüstü saat, rəqəmsal saat, böyük və balaca saatlar – cibə, zövqə və tərzə uyğun müxtəliflik böyükdür. Sizə bu gözəl əşyanın seçimində kömək etməyə söz veririk!
Əlbəttə ki, saatların seçimi halında da ölçü çox vacibdir. Axır zamanlar evin dekorasiyası zamanı iri döşəməüstü taxta saatlardan və ya divarüstü saatlardan istifadə olunma halları çoxalıb. Bu çox yaxşı bir seçimdir, çünki iri saatlar həm ofisdə, həm kafedə, həm bağ evində, həm də böyük olmayan rahat mənzillərə də çox gözəl görünür. Demək olar ki, “böyük saat böyük yer üçündür” stereotipi zamanın dekor tendensiyaları tərəfindən keçmişə göndərilir!
Ən əsası isə - onlar üçün doğru yer tapıb, kiçik otağı başqa dekor elementləri ilə boşuna doldurmamaqdır. Qoyun, iri saat otağda ən parlaq, baxışları özünə çəkən aksent olsun.
Böyük otağa isə döşəməüstü taxta saat çox gözəl yaraşar. Öz təmkinli görünüşü ilə bu saat Sizi sanki Ceyn Ostinin romanlarının dünyasına aparmasından savayı, interyerdə mötəbər abuhava yaradacaq. Antikvar döşəməüstü saatların gözəlliyi isə bir başqa olur.
Saatların korpusunu düzədilməsində müxtəlif materiallardan istifadə olunur: şüşə, ağac, farfor, tekstil, plastik, metal və sairə. Bu müxtəliflik sayəsində, Siz özünüzə hansı olursa olsun dizayn tərzinə və zövqünüzə uyğun olan saat seçə bilərsiniz.
Barokko, ampir və rokoko kimi klassik tərzlərə oyma ilə bəzənmiş, zinətləndirilmiş, qızılı və gümüşü elementlərlə, mərmər ilə bəzədilmiş taxta saat çox gözəl yaraşar.
İnglis stilinə bahalı ağacdan düzəlmiş daha konservativ saat modelləri yaraşar. Metal və şüşə çərçivəyə salınmış saatlar hay-tek ( “high tech” ) və minimalizm tərzləri üçün gözəl seçimdir. Bu halda üç=stünlük verilən formalar dairə və dördbucaqdır.
Retro – stil və vintaj aksessuar seçimi cəhəddən çox ayrıseçkin olur. Buna, əlbəttə ki, saat seçimi də daxildir. Bu stillər üçün mükəmməl variant köhnə kəfkirli saat ola bilər. Əgər büccəniz antikvar saat almağa imkan vermirsə, Siz özünüz saatınızın korpusunu və siferblatını süni şəkildə köhnəldə bilərsiniz. Ququ quşulu saat vintaj stilində interyerin ən parlaq elementi ola bilər. Retro – stil üçün isə siferblatında XX-ci əsrin birinci yarısının kino və estrada ulduzlarının təsviri olan saatlar çox gözəl yaraşar. Avanqard stili isə assimetrik formada olan saatlar uğurla tamamlaya bilər.
Eko – və etno – stilləri üçün naxışlar, güllər və ağac budaqları formasında olan elementlərlə dekor edilmiş saatlar çox optimal variantdır. Həmçinin, belə saatlar bir çox cavan dizaynerin əl işi olan qurudulmuş gül və yarpaqdan, quş lələyindən, balıqqulağı və sairə təbii materiallardan düzədilmiş kompozisiyalarnan da dekor edilə bilər.
Müasir stil üçün, demək olar ki, butun saat növləri uyğundur. Söz düşmüşkən, elektron saat da bu dizayna çox gözəl yaraşar.
Həmçinin, tematik dizaynlı saatlar da mövcuddur. Misal üçün, mətbəxə yaraşacaq natyurmort təsfirli saat – şəkillər, oxlar əvəzi çəngəl – bıçaq olan saatlar.
Uşaq oyağı üçün də bir çox dizaynlı saat var: günəş, güllər, bulud, futbol topu, maşın və sairə formada cürbəcür rəngdə saatlar. Siferblatda rəqəmlərin iri olmasına fikir verin ki, uşaqlara da rahat olsun. Saatın tıqqıldatmağı barədə narahat olmağa dəyməz, çünki hal hazırda çoxlu səssiz saat da düzəldirlər. Bunu yataq otağına saat alanda nəzərə yetirmək lazımdır.
