Bağ evlərində soyuq aylardan sonra görüləcək işlər

Yay fəsli gəlib və artıq paytaxt sakinləri istirahət üçün bölgələrə üz tuturlar. Bağ evi və villa sahibləri öz qapılarını gələn qonaqların üzünə açırlar. Çoxsu qış boyunca boş qalmış evlərində soyuqlar gedən kimi bir az əl gəzdirirlər, həyat yanı sahəni səliqə-sahmana salırlar. Təmizlik işlərindən başqa bəzi vacib baxış və təmir işləri də aparmaq lazımdır. Heç kim istəməz ki, kirayə verdiyi bağ evi və ya villa qonaqları üçün narahat bir istirahətə çevrilsin. Buna görə bir sıra tədbirlər görmək lazımdır.

Artıq bağ evinə gedib baxış keçirməyi fevral ayından başlamaq lazımdır. Çünki mart ayından etibarən havalar isinir, üstəlik bir çox bayramlar mart ayına təsadüf etdiyi üçün, insanlar işdən baş açıb, harasa dincəməyə gedə bilirlər.

Bağ evinə baxışa gedən zaman istənilən sürprizlərə hazır olun. Problemlər siz gözləmədiyiniz bir yerdən və gözləmədiyiniz bir anda ortalığa çıxa bilər.

Əgər bağ evinizdə təmizlik və təmir üçün lazımi alətləriniz yoxdursa, özünüzlə aparmağınız lazım olacaq. Bundan başqa özünüzlə iş paltarı, uzunboğaz çəkmə və sizə lazım ola biləcək digər əşyaları götürün.
Bəzən elə olur ki, bağ evinə girmədən, artıq ilk addımdaca problemlə üzləşirsiniz. Havanın dəyişkənliyinə, tempraturun yüksəlib, enməsinə görə taxta qapı şişib yerindən tərpənməyə bilər.

Bu zaman sadəcə qapını özünüzə doğru möhkəm dartıb çəkin, içəri keçdikdən sonra, lazımi alətlərdə taxtanın artıq hissəsini yonub düzləşdirin. Qapı sizdə taxta deyil, dəmir də ola bilər. Dəmir nəmişliyin və ya tempraturun təsirindən şişmir əlbəttə ki, ancaq petlələr paslayıb, qapının açılıb-bağlanmasına mane ola bilərlər. Mövcud problemi petlələri yaxşıca yağlamaqla aradan qaldıra bilərsiniz.

Qış fəsli boyu evə hava daxil olmadığına görə içəridə yetərincə nəmişlik yığıla bilər. İçəriyə əşyaları daxil etməzdən qabaq, bütün pəncərə və qapıları açıb otağın havasını yaxşıca dəyişin. Bu prosesi əlbəttə ki, günəşli havada etmək daha məsləhətdir. Bir neçə saata evin divarları nəfəs alacaq və əvvəlki vəziyyətinə yenidən qayıdacaq.

Evin havası dəyişənə kimi, siz ümumi sahəni gəzərək, problemin olub-olmamasını yoxlamaq üçün vaxtınız var. Hər bir sahəni yoxlamaq lazımdır, siyahıya isə zirzəmidən başlaya bilərsiniz (əlbəttə əgər o sizdə varsa). Qışdan sonra qarın əriməsi nəticəsində, qrunt sularının səviyyəsi qalxa, bu da zirzəminin su basmasına səbəb ola bilər. Bu da bünövrənin və daşıyıcı konstruksiyanın zədələnməsinə gətirib çıxara bilər. Üstəlik də, buna bənzər problemlər sonda kif və digər göbələklərin yaranmasına və yayılmasına təkan verir.

Suyun öz-özünə gedəcəyini oturub gözləmək lazım deyil, onu birbaşa drenaj nasosu ilə qurutmaq lazımdır. Ardınca etibarlı hidroizolyasiya etmək və bünövrədən qar suyunu kənar etmək üçün drenaj sistemi quraşdırmaq lazımdır. Növbəti mərhələ dam örtüyünə və çatıya baxış keçirməkdir. Əgər siz taxta elementləri üzərində çürümə və ya kif izləri tapdınızsa, o zaman onları səliqəli şəkildə təmizləmək lazımdır, daha sonra antiseptik ilə emal etmək və sonda parıltı və ya boya ilə rəngləmək lazımdır. Damın bütün aralıq boşuqlarına baxın görün axan bir yer varmı, yoxsa yox. Əsasən də sobanın ətrafını yoxlayın. Sonradan bütün damı dəyişməkdənsə, kiçik bir axıntını lokallaşdırmaq və qarşısını almaq daha asandır. Həmçinin dam örtüyünün bütövlüyünə nəzər yetirin. Əgər siz boşluq və ya dəlik görsəniz, tez bir zamanda onu aradan qaldırmaq lazımdır.

Zirzəmi və dama baxdıqdan sonra, yaşayış sahəsinə baxış keçirmək lazımdır. Tempratur sıçramaları, nəmişlik və ətraf mühitin digər mənfi faktorları pəncərə və qapı çərçivələrinin azacıq deformasiyasına səbəb ola bilərlər. İlk öncə ümumi baxış keçirib, bütün problemləri tapmaq lazımdır və daha sonra bu problemləri aradan qaldırmaq üçün tədbirlər görmək gərəkdir.
Bundan başqa qış fəsli ərzində divar kağızları bəzi yerlərdə aralana, divar boyaları qopa bilər. Yəni son mərhələdə xırda işlər qalır ki, onları tez bir zamanda aradan qaldıra bilərsiniz.