OTAQDA KÜNCLƏRİ NECƏ DEKOR ETMƏLİ
Mənzilinizdə mebelin düzülüşünə, tekstil seçiminə həmişə çox diqqət yetirirsinuz, künclər isə diqqətdən kanar qalır. Beləliklə, yer boş qalır, və interyer sanki bitməmiş görünür. Bəz onu necə “ doldurmalı ”?
Əsasən, ora iri bir mebel qoyurlar, amma, fikirləşsəniz, bu məsələyə daha yaradıcı yaxınlaşa bilərsiniz.
1. Dibçək gülləri
Əlbəttə, ağıla gələcək ilk şey – dibçək gülləri qoymaqdır. Balaca dibçək çiçəkləri ilə xirda bir “ bağ ” yaratmaq da olar. Belə bir fikir, demək olar ki, bütün otaqlar üçün yararlıdır, istəyir, qonaq otağı olsun, istəyir – yataq otağı.
2. Dolab
Künc dolabı künc sahəsini doldurmaq üçün əsl tapıntıdır. Həm də o adi dilabdan daha funksionaldır – orada daha çox paltar saxlamaq olar.
3. Rəflər
Künc rəfləri də Sizin işinizi görə bilər – onun köməyi ilə mini – kitabxana düzəltmək olar. Həmçinin orada çərçivədə şəkillərinizi, suvenirlər və dekorativ qab – qacaq yerləşdirmək olar.
4. Çalışma yeri
Künclərin bir dənə də funksional istifadə yolu – oranı əsl çalışma yerinə çevirməkdir. Əgər Sizin mənzilə öz kabinetiniz yoxdursa, qonaq otağında küncə bir masa qoya bilərsiniz. Orada noutbukunuzu və ya kompyuterinizi, iş kağızlarınızı, kitablarınızı və sair xırda əşyalarınızı yerləşdirə bilərsiniz. İş yerinin küncə doğru yerləşməsinin elə bir köməyi var ki, Sizə heç nə mane olmadan sakitcə çalışa bilərsiniz.
5. Qonaqlar üçün bir künc
Mənziliniz xırdadirsa, Siz küncləri qonaqların qəbulu üçün də istifadə edə bilərsiniz. Bu Sizin tərəfdən çox da xərc istəmiyəcək : balaca bir masa, iki – üç dənə kreslo və ya puf, şirin bir torşer və ya bra. Əgər yeriniz çoxdursa, künc divanı və jurnal masası qoymaq da olar. Və ya xırda bir privat “ çay məkanı ” düzəldə bilərsiniz.
6. Oxumaq üçün rahat bir yer
Bir neçə kitab rəfi, yumuşaq kreslo, oriqinal görünüşlü kiçik bir masa – bunların hamısı sevimli kitabınız ilə yalnız qalmaq üçün lazım olan tək şeylərdir. Belə bir şeyi həm iri mənzildə, həm də balacada düzəltmək olar.
7. Qonaq otağında kamin
Kaminə, adətən, qonaq otaqının sentral zonasında yer ayırılır. Ev sahibləri həmişə çalışır ki, onu ən diqqət cəzb edəcəyi yerdə düşğzəltdirib, interyerin dominant rolunu versinlər. Lakin balaca otaq üçün künc kamini əla variant olar. O, küncü yumuşaldıb, otağa qonaqları qəbul etmək üçün rahat abu – hava bəxş edəcək.
8. Oyun zonası
Evinizdə əsl uşaq otağının olmasına baxmayaraq, hər balaca onun üçün eksklyuziv olaraq ayrılmış oyun zonasına şad olar. Öz uşaqlığınızı yadınıza salın : əminəm ki hamınız taburetləri düzüb, üzərinə odeyal sərərək, bir cür “ evcik ” düzəldərdiniz. Mən də elə edirdim, buna görə də əminəm ki, içində oynaya və oyuncaqlarını saxlaya biləcəyi küncdə düzəldilmiş “ çadır ” uşağınızın tam ürəyincə olacaq.
9. Balaca masa və ya tumba
Füsünkar masa və ya künc tumbası – küncün təşəkkülü üçün sadə və ucuz bir variantdır. Masanın üzərinə gözəl çiçəklər ilə güldan, ikeban və ya şamlar qoyaraq otağınızın interyerini daha romantik və fərah etmək olar. Tumbanın rəflərində isə hətta öz əşyalarınızı saxlaya bilərsiniz.
10. Torşer
İşıq heç bir zaman artıq olmur. Otağın küncünə gözəl bit torşer qoyaraq, Siz həm təsir edici dekorativ elementə sahib olursunuz, həm də otağ daha da işıqlı olur.
11. Posterlər, şəkillər, fotoşəkillər
Küncləri gözəl çərçivəyə salınan ailə şəkilləri ilə də dekor etmək olar. Yeriniz çoxdursa, Siz lap şəkil qalereyası da düzəldə bilərsiniz. Bu evinizə istilik bəxş edəcək.
12. Döşəməüstü gül qabı
Küncünüzə şarm bəxş edəcək art – elementlərdən biri də döşəməüstü gül qablarıdır. Onlar dekorun parlaq elementidir : quru güllərdən kompozisiyalı və ya tək - Sizin otağınızı daha zövqlü göstərəcəklərinə əmin ola bilərsiniz.
