PENSİONERƏ NECƏ BAĞ EVİ SEÇMƏLİ?

Sizi yaşlı adam üçün rahat olması üçün bir neçə ev quruluşu qaydası ilə tanış edəcəyik

İllər keçdikcə təbiyət sanki öz yanına çağırır insanı. Bir birindən gözəl rayonlarımızın cənnət qüşələrində, yaşıl dağlarının qoynunda, ağaclarının kölgəsində, günəşinin istisində yaşlılığınızın günlərini keçirməkdən gözəl nə ola bilər? Həyatınızın son baharını təbiyətin ilk baharı ilə qarşılamağ çox gözəl bir fikir ola bilər.

Yaşlı insanların çoxsu şəhərkanarı evlərə və ya bağ evlərinə üstünlük verir, bunun səbəbi sakitlikdə və hüzurda yaşamaq istəyi və şəhərdə yaşayanda həsrət qaldıqları təmiz havadır. Lakin xatırlamaq da lazımdar ki, hər bağ evi yaşlı insanın orada yaşaması üçün uyğun olmaya da bilər, və onlar üçün bağ evi alınanda, və ya tikiləndə, bir neçə faktorlara fikir vermək məsləhətə uyğundur. Aşağıda Sizin riyət etməli olacağınız bir neçə qaydadan söz gedəcək.

1. Yaşlı insan üçün ən optimal seçim bir mərtəbəli evdir – orada pilləkən olmayacaq. Razı olun ki, ev iki və ya daha çox mərtəbəli olsa, qoca orada düşüb – qalxaraq yorulacaq və ayağında ağrıdan şikayət etməyə başlayacaq. Biz isə bunu istəmirik.

2. Yaşlı insanlar yeniliyə gec öyrəşir. Bunu nəzərə alaraq, yaxşı olar ki, bağ evində onlara artıq tanış olan mebel düzülüşü və planlaşması olsun. Ən əsası isə mətbəxin planlaşdırılmasıdır. Çünki evin xanımının artıq illərlə çalışan mətbəx nizam – intizamı var. Elə olmasın ki, o, həmişə yuxarıdaki rəfə qoyduğu çay qutusunu axtarıb aşağıdakı sol rəfdə tapsın.

3. Fikir verin ki, qapılar olduqca enli olsun. Bu halda oradan əlil kreslosu keçə bilməlidir ( hər ehtimala qarşı ).

4. Həmçının, evdə çoxlu astana olmamalıdır, çoxsaylı xalçalar almaqdam da uzaq olun. Bu kimi şeylər Sizin valideynlərinizi yıxa bilər, yaşlı insanların sümükləri isə cavanlarınkından daha kövrək olur, və adi yıxılmaqla onların sümüklərinə zərər gələ bilər. Döşəmə də sürüşgən olmamalıdır. Bizim istəyimiz onlara rahat həyat bəxş etməkdir, xəstəxanada otaq yox.

5. Bağ evində ən azı bir dənə gözəl mənzərəli pəncərə olmalıdır. Ümumiyyətlə, ev seçımındə yerin gözəlliyinə də fikir vermək lazımdır, çünki sağlamlıq üçün gözəl təbiyətə seir etməkdən yaxşı şey yoxdur. Birdə çalışın, mebeli elə düzəsiniz ki, o həmin pəncərənin qabağında rahat oturmaq olsun.

6. Otaqlar olduqca təbii işıqla təmin olunmalıdır. Pəncərələrin böyük olması məqsədə uyğundur. Yadınızda olsun ki, işığın azlığı gözlər üçün çox ziyandır.

7. Mebelin və dekorativ elementlərin sayını minimuma salsanız yaxşı olar. Xatırlayın ki, bu evi yığıb – yığışdırmaq üçün də daha rahat olar. Yaşlılarımız özlərini nə qədər az yorsa, bir o qədər yaxşıdır.

8. Evdə bir neçə çıxışın olması gözəl olardı: misal üçün, çölə və həyətə ayrı çıxışların olması daha rahat olar. Həyətdə güllər əkin, iri daşlar varsa, onları yığışdırın.

9. Suvarma və kanalizasiya sisteminə də ayrıca fikir verilməlidir. Fikir verin ki, su həmişə gəlsin, və yaşlıların su daşımaq kimi problemi yaranmasın. Həmçının də bağı sulamaq da rahat omalıdır. Bağda meyvə - tərəvəz də əkmək olar, bu həm sərfəlidir, həm də ekoloji cəhətdən təmiz.

10. Böyük, bağlı veranda da pis olmazdı. Pis havada orada oturub çay içməyin və təmiz hava almağın ayrı ləzzəti olur. Birdə yaxşı olar ki, həyətdə günəşin altında küləksiz bir yer də olsun. Orada masa qoyub oturmaq, nahar etmək və ya çay içmək olar.

11. Hamam tualet birlikdə olsa yaxşıdır. Gözəl olar ki, oraya yataq otağından çıxış olsun. Hamamı elə tikin ki, orada oturaraq çimmək olsun.

12. Ev seçımındə fikir verəcəyiniz bir şey daha: poliklinika, ərzaq mağazası evə yaxın olmalıdılar. Mütləq yoxlamaq lazımdır ki, təcili yardım maşını ora tez gələ bilər – bədmin olmaq istəmirəm, amma hər şeyi nəzərə almaq lazımdır.