Hansı daşınmaz əmlakdan pul qazanmaq olar
Bəzi vətəndaşlar sadəcə köçmək üçün evlərini satırlarsa, əmlakdan birbaşa gəlir əldə etmək istəyən şəxslər də var. Onlar mənzilləri ucuz qiymətinə alır və daha sonra bahalaşdıqda onu satıb, əlavə gəlir əldə edirlər. Daşınmaz əmlak dedikdə, villalar, həyət evləri, yeni tikililər, bina evləri və s. nəzərdə tutulur.
Yeni tikilidə hazır ev hal-hazırda tikilməkdə olan evdən qat-qat baha olur. Buna görə də yeni tikilini elə ilkin vaxtlarda almaq olar. Tikinti bitdiyində həm bununla əlaqəli mənzilin kvadrat metrinin qiyməti artır, həm də ümumilikdə bina evlərinin qiyməti artdığı üçün artır. Nəticədə sonda siz mənzili satmış olsanız otuz-əlli faiz gəlir əldə etmiş olacaqsınız. Ancaq yeni tikilinin bir mənfi cəhəti var ki, burada riskin dərəcəsi yüksəkdir. Böhran ilə əlaqədar tikinti dayana və ya tikintinin vaxtı uzana bilər.
Əgər paytaxt ilə şəhərdən kənar seçim edirsinizsə, ən yaxşısı paytaxtdakı qiymətə üç ədəd şəhərdən kənar almaqdır. Obyektləri isə seçəndə, çalışın diqqətli olasınız. Nəqliyyat yoluna yaxın olan mənzillərin alıcılarını tapmaq daha asan olur.
İkinci əl daşınmaz əmlaklar da gəlir mənbəyi ola bilər. İpoteka ilə razılaşa bilməyən satıcılar mənzillərini satarkən nəğd və ya hissə-hissə ödənişə keçməli olurlar. Buna görə də real alıcı tapmaq üçün səkkiz faiz, bəzənsə iyirmi faizə qədər endirim edirlər. Bu cür endirimli mənzil alaraq, siz daşınmaz əmlak bazarında qiymətlərin qalxmağını gözləyə bilərsiniz. Və həmin anda aldığınız qiymətdən iki dəfə bahaya sata bilərsiniz. Bu an gəlincəyə qədər, mənzili kirayə verib pulunuzu çıxara bilərsiniz. Üstəlik əgər siz mənzili tikilməkdə olan metro stansiyasına yaxın bir yerdə alsanız belə, tikinti başa çatdığı vaxt həm mənzilin qiyməti qalxacaq, həm də bu cür mənzili baha qiymətə kirayə verə biləcəksiniz.
Bəzi tikinti şirkətləri qabaqcadan satdıqları mənzili daha baha qiymətə mənzil sahiblərindən alırlar. Bundan da istifadə edib gəlir əldə edə bilərsiniz. Başqa məsələ odur ki, mənzili baha qiymətə sata bilərsiniz, ancaq çıxılmaz vəziyyətdə qaldıqda bu fənndən istifadə etmək imkanınız var. Sadəcə bu cür imkanı yaradan tikinti şirkəti tapmalısınız.
Ticarət obyektləri də yaxşı gəlir yerləri sayılırlar. Bura əsasən binaların birinci mərtəbəsində yerləşdirilmiş apteklər, xırda dükanlar, gözəllik salonları və s. daxildir. Bu cür obyektlərdən gəlir çox olmasa da ev kirayəsindən daha çox gəlir gətirirlər. Çalışın şəhər ətrafı yerlərdə yeni tikilməkdə olan binaların birinci mərtəbələrini alasınız. Birincisi obyekti ucuz qiymətə əldə edəcəksiniz, ikincisi tikinti bitəndən sonra yeni binada yer tutmağa can atan iş adamlarına yüksək qiymətə kirayəyə verə biləcəksiniz.
Şəhər ətrafı qəsəbələrdə əmlak elə də böyük gəlir yeri sayılmır.
Birincisi ona görə ki, iş əsasən paytaxtdadır və yolu uzatmaq heç kim istəməz. Üstəlik paytaxta gəlmək, özlüyündə xeyli yol xərci tələb edir. Buna görə daşınmaz əmlak bazarında nəqliyyat cəhətdən əl çatmayan yerlərdə ev almaq sərf eləmir. Bəzən düşünürlər ki, indi ucuza alaram, daha sonra qiymət bahalandıqda sataram. Lakin uzun illər keçir, amma alınan mənzil bahalanmır ki, bahalanmır. Buna görə də şəhərə yaxın olan yerlərdə azacıq baha olan mənzillər almaq daha məqsədə uyğundur.
Bölgələrdə bağ evləri almaq da gəlir artırmaq yolu ola bilər. Nəzərə alsaq ki, istirahət aylarında əhali paytaxtdan bölgələrə üz tuturlar, bağ evlərini kirayəyə verməklə gəlir əldə edə bilərsiniz. Bundan başqa xarici turistlər də məhz istirahət üçün bölgələri seçirlər. Bağ evinə qoyulan pul özünü hər zaman doğruldur.
