Daşınmaz əmlak alarkən yerləşdirilən reklamlara baxış

Ev alqı-satqısı ilə məşğul olan vətəndaşlar evi ya özləri satırlar (alırlar), ya da ki bu işi maklerlərə həvalə edirlər. Maklerlərə əlavə xərc olunmasın deyə birinci variant daha çox rast gəlinəndir. Evini özü satmaq (almaq) istəyən şəxs ilk öncə internet üzərindən ev alqı-satqısı ilə məşğul olan saytlara müraciət edir. Burada müxtəlix variantlarda axtarışlar aparmaqla, bazarda olan tələbi anlaya bilir.

Filan ünvanda filan mərtəbədə, filan otaqlı mənzil neçəyədir kimi variant misal üçün. Yəni burada çeşid müxtəlif olur. Üstəlik bina evlərindən başqa bağ evləri də, kirayə evlər də tapmaq olur. Bəziləri də sadəcə elanları qəzetlərdən, jurnallardan oxuyurlar. Ümumidə götürsək elanlar belə reklam xarakteri daşıyır. Və bəzən olur ki, bu reklamlar (elanlar) təqdim olunduğu şəkildə reallıqda bu şəklə uyğun gəlmir. Bu cür halların qarşısını almaq üçün bir sıra şeyləri bilmək gərəkdir.

Saytlarda yerləşdirilən reklamların yenə də mənzilə baxış keçirməklə yalan olub-olmadığını bilmək olur. Bəs əgər bu reklam tikinti şirkəti tərəfindən yerləşdirilirsə, o zaman necə?

İnsanlar öz həyati təcrübələrindən də bilirlər ki, reklam çox vaxt məhsulun şişirdilməsi üçün istifadə olunur. Ancaq bununla belə bəzən bizə lazım olan informasiyanı da yalnız reklam vaxsitəsilə öyrənə bilirik. Buna görə də reklamlardakı həqiqət payını ayırmağı bacarmaq lazımdır.

Yeni tikililər barədə olan reklamlar çox nadir halda öz alıcılarını açıq şəkildə aldadır. Çünki hal-hazırda tikinti obyektləri və ümumiyyətlə ipoteka ilə bağlı olan məsələlər xüsusi qanunlara əsasən tənzimlənir. Əks halda tikinti şirkətləri istədikləri reklamları yerləşdirə bilərdilər. Buna görə də şirkətin reklamı işıq üzü görməmişdən qabaq huquqi agentlik və ya KİV tərəfindən bir neçə yoxlanma prosesini keçir. Reklamlar KİV-lərdə də getdiyi üçün yanlış reklama görə onları da cərimə edə bilərlər.

Buna görə də tikinti ilə bağlı reklamların çoxu həqiqətə uyğundurlar. Uyğun olmadıqları təqdirdə tikinti şirkətləri yüksək məbləğdə cərimə olunurlar, üstəlik yalançı informasiya yayan reklamı dərhal bütün sahələrdən yığışdırmalı olurlar. Bu da əlbəttə ki, əlavə xərcdir. Buna görə də bu cür reklamlara inana bilərsiniz.

Lakin yenə də incəliklər mövcuddur. Alıcılara ancaq həqiqəti deyəcəyini vəd edən tikinti şirkətləri başqa şeylərdə gizli formada hiyləgərlik edirlər. Adi bazar təklifini “əla fürsət” adı altında təqdim edirlər. Ancaq bəzən həqiqətən sərfəli təkliflər olur. Şirkət minimum vaxta maksimum dövriyyə vasitəsi toplamağa çalışır. Əgər ona podratçı şirkətin gördüyü işin böyük hissəsini ödəmək və ya bankla hesablaşmaq üçün lazımdırsa, bu cür endirimləri edəcəkdir. Bu cür endirimdən istifadə etmək alıcı üçün əla fürsətdir. Lakin burada da dediyimiz kimi əsl endirimi yalançı reklam ayırmağı bacarmaq lazımdır.

Baxdığınız mənzilin kvadrat metrinə düşən qiymət bazar qiymətindən qat-qat aşağıdırsa, bu böyük ehtimalla çox yaxşı endirim fürsəti deyil. Çünki normal halda endirim mənzilin öz qiymətinin on faizindən çox ola bilməz. Ümumiyyətlə çalışın ucuz qiymətlərə qaçmayınş.

Yolda hər hansa bir reklam tablosunda endirim gördüyünüz mənzili, ən yaxşı formada zəng edib soruşmaqla dəqiqləşdirə bilərsiniz. Bəzən elə olur ki, siz mənzil satış ofisinə yaxınlaşırsınız, orada isə sizə deyirlər ki, endirimin vaxtı qurtarıb. Buna görə də qabaqcdan zəng etmək məqsədə uyğundur.

Bəzən elə olur ki, endirim yazırlar binada, ancaq sonradan məlum olur ki, bu endirim yalnız bir neçə mənzilə aiddir. Burada da kim tez zəng etdi endirimli mənzil ona çatır. Burada da qazanmanız çox müşkül məsələdir.