Dar evi satmaq üçün necə genişləndirməli

Ev alqı-satqısı zamanı həm evini satmaq istəyən, həm də yeni ev əldə edən mənzil sahibləri kiçik ölçülü mənzillərini böyütmək arzusunda olurlar. Lakin bəzən bu təcrübi cəhətdən mümkün olmur. Yəni, mənzilin ölçülərini arakəsmələrdə dəyişiklik etmək şansı sıfıra bərabər olur. Bundan çıxış yolu kimi, mənzili vizual olaraq genişləndirməkdir.

Kiçik ölçülü mənzili təmir etməmişdən və ya ora köçməmişdən qabaq evi yaxşıca yoxlamadan keçirin. Bu, əsasən də evdki əşyalara aiddir. Paltarları, ayaqqabıları, uşaq oyuncaqlarını, müxtəlif aksessuaları, bəzək əşyalarını və məişət avadanqlılarını üç hissəyə ayırmaq lazımdır:


1. Daimi istifadə etdiyiniz, həmçinin xüsusilə sizin üçün dəyərli olan bəzək və ya yadigar əşyaları.

2. Çox nadir halda lazım olan, lakin evdə olması gərəkən əşyalar.

3. İllərlə sizə bir dəfə belə olsun lazım olmayan, rəfdə boş yerinə yer tutan xarab olmuş və ya effektsiz işləyən qurğular, lazımsız bəzək əşyalarının aid olduğu qalan əşyalar.

Üçüncü qrupa daxil olan əşyalardan heç bir təəssüf hissi keçirmədən yaxa qurtarın – satın, hədiyyə edin, ehtiyacı olanlara verin, tamamilə yararsız hala düşənləri isə - atın getsin. Gitarada və ya fleytada heç kim ifa etməyi öyrənməyibsə, yaxşı olardı ki, o, bu alətləri öyrənmək istəyənlərin əlində olardı.

Birinci və ikinci qrupa aid olan əşyaların isə daimi saxlanma yerinə malik olmaları lazımdır. Böyük ölçülü qurğuları hara yerləşdirəcəyinizi müəyyənləşdirin, saxlanma sistemində vacib xırda-xuruş əşyalar üçün rəflər və yeşiklər ayırın. Əgər hər şeyin öz konkret yeri olsa siz, tökülüb-töküşdürülmədən azad olacaqsınız.

Pəncərələrdən otağa düşən təbii günəş işığı evin yaxşı gözə dəyməsinə səbəb olur və orada yerləşən insanların əhvalına bu, çox yaxşı və müsbət təsir göstərir. Yeni ev seçərkən, onun pəncərələrinin ölçülərinə fikir verin. Əgər pəncərələr kiçik olsa ev darısqal, yox, əgər geniş olsalar o zaman böyük görsənəcək. Əgər siz artıq pəncərəsi olan evi təmir etmək niyyətindəsinizsə, o zaman şüşələri işığı daha yaxşı keçirən şüşələrlə dəyişməklə otağa düşən ışığın parlaqlığını artıra bilərsiniz. Ümumiyyətlə məsləhətdir ki, pəncərənizin qarşısını standart ağır və tünd pərdələrlə örtməyəsiniz, sadəcə nazik tüldən istifadə edə bilərsiniz.

Dar otağın gələcək layihəsini verərkən, çalışın divarların və tavanın boya rənglərini açıq rəngdə seçin. Tünd çalarlar otağı vizual olaraq, daha ağır və daha dar göstərir, açıq rənglər isə əksinə, işığı çox yaxşı əks elətdirirlər və otağı daha yüngül, geniş göstərirlər. Tavan üçün ən yaxşl rəng parıltılı ağ rəng olacaq, bu, əsasən də alçaq tavanlar üçün uyğundur.

Divarlar da ağ rəngdə və ya mavi, açıq-yaşıl, saman rəngdə ola bilərlər. Əgər sizin divar kağızlarından xoşunuz gəlirsə, o zaman nə çox kiçik, nə də ki, böyük naxışı olmayanları seçə bilərsiniz. Döşəmənin də örtüyü açıq tonda olan materiallardan olmalıdır: taxta, laminat, kafel piltə və s. Parketin vurulmasında çalışın dioqanal və ya şam düzülüşü ilə düzün, bu cür üsul da vizual olaraq otağın sahəsini genişləndirəcəkdir.

Kiçik ölçülü mənzildə hər bir santimetrin qədrini bilməlisiniz. Buna görə də çox yer tutan qeyri-funksional mebeldən imtina edin. Daha çox kiçik, amma şəkil dəyişən mebellərə üstünlük verin. Məsələn, altında dolabı olan yataq dəsti, qəfəsələrli yüngül və yığcamm mebellər bu işdə sizin işinizi xeyli yüngülləşdirər. Tünd-qara mebellərin şüşə ilə əvəzlənməsi vizual olaraq mebelin tutduğu sahəni genişləndirir. Bu halda mütləq deyil ki, bütün mebelləri divara söykəyəsiniz, yumşaq mebelləri mərkəzdə də yerləşdirmək olar. Sadəcə fikir verin verin ki, qapı girəcəkləri və aralıqlar keçid üçün rahat olurlar.