azerbaycanda-dasinmaz-emlak

Son illərdə ölkəmizdə tikinti sektorundakı canlanma neftin dəyərdən düşməsiylə iflic duruma düşdü.Bəs bu sahədəki mövcud durğunluğa səbəb nədir?

Bəlkə məşhur  lətifədə deyildiyi kimi – “hamı evi oğurlanan Mollanı təqsirkar bilir - evin qapısını yaxşı bağlamamısan, pəncərələrə dəmir çərçivələr saldırmamısan, pulu-qızılı etibarlı yerdə gizlətməmisən. Axırda Molla dözmür - yaxşı e, bu oğrunun heçmi günahı yoxdu..” deyərək günahı tək neftin kəskin dəyərdən düşməsində arayaq?Əlbəttə ölkəyə əsas valyuta daxilolmalarının 95 % neftin payına düşür, Uzun illər müstəqil araşdırmaçılar da bu halı dəfələrlə vurğulayırdılar ki, Azərbaycanda qeyri-neft sektorunun qida mənbəyi neft sektorudur Neftdən gələn milyardların nəticəsində,iqtisadiyyatda pulun çəkisi artır və sonuc olaraq bu vəziyyətə uyğunlaşan əhali əlindəki nəğd pul kütləsinə böyük həvəslə dasinmaz emlak almaqda maraqlı olur.Azərbaycan kimi neft ixrac edən ölkələrin,bu xüsusilə ölkəmiz üçün daha aktualdır biznesdə olan bürokratik hallar mənzil bazarına marağı artırmışdı.İnsanlar dəbdəbəli villalar,bahalı malikanələr almaqda həvəsli idilər.Buna bir növ biznes sahəsi kimi yanaşırdılar.Bu isə gün-gündən şişən qiymətlərə gətirib çıxarırdı.

Hazırda bazarda təklif olunan evlərin sayı dəfələrlə artıb,bu tələbdən çox olduğu həmçinin, dollar qarşısında dəyərsizləşən milli valyutanın hazırkı durumunda mənzillərin də qiymətinə önəmli təsir göstərir.Təsadüfü deyil ki ötən illə müqayisədə bu il bazardakı mənzillərin qiymətində 5-10 min manat azalma müşahidə olunmaqdadır.Artıq,bank sektorunun iflic durumu,bankların daşınmaz əmlaka ipoteka kreditləşməsi,digər maliyyə resursları ayıra bilməməsi yaxın illərdə müştərinin 20-25 min dollara istədiyi mənzili ala bilməsinə köməklik etmiş olacaq.İlkin mərhələdə təkrar mənzil bazarında ucuzlaşmanın daha çox nəzərə çarpdığı görsənsə də,məşhur tikinti şirkətləri də satışdakı durğunluqdan gileylənirlər.Əlbəttə iqtisadiyyatda stabil vəziyyət olmur,bu durum isə getdikcə mənfiyə doğru dəyişməkdədir. Daşınmaz əmlak qeyri-likvid əmlakdır və o, neft, qızıl və ya digər likvid mal deyil ki ticarət terminalı qarşısında əhali onun enmə faizinə baxsın.Artıq,bir sıra məşhur tikinti şirkətləri müştərilərə təklif edilən mənzillərdə güzəştlərin sayını da artırıblar.Həmin şirkətlərin satış üzrə menecerləri bildirirlər ki,onlar indi ilkin ödənişi ləğv etməklə uzun müddətli ipoteka şərtləri ilə mənzillər təklif etsələr də yenə əvvəlki illərlə müqayisədə alqı-satqı çox aşağıdır.

Məşhur atalar sözündəki kimi,”Evdəki hesab bazarda çıxmaz”məsəli bu gün daşınmaz əmlak və mənzil  alqı satqısı zamanı daha çox aktualdır.İnsanlar illərlə tikdikləri evlərini bazarın tələbinə uyğun dəfələrlə ucuz satmalı olurlar.Vətəndaşların bu bazarlıqlardan qazancı isə əksər hallarda bir hesab,bir də kitab olur...