kiraye-evler-bakida

 

    Ölkəmizdə kirayə evler bazarının nə qədər aktual olduğu hər kəsə məlumdur.Bazarın bu qədər aktual olmasının isə müəyyən səbəbləri var.Ən azından işləmək və təhsil almaq üçün hər il ölkənin digər bölgələrindən nə qədər insanın paytaxt Bakıya gəldiyini hamımız yaxşı bilirik.Nəzərə alsaq ki,gələn vətandaşların əksəriyyətinin burada daimi məskunlaşması üçün onların çox cüzi hissəsinin şəxsi mənzilləri var,o zaman kirayə mənzil bazarına olan güclü təlabatı və bu sahənin aktuallığını başa düşmək olar.

     Mənzillərin seçimi isə vətəndaşın cibinə uyğun olaraq dəyişir.Müraciət olunan dəllalar (maklerlər) vətəndaşa cibinə uyğun olaraq mənzillər təklif edirlər.Təbii ki, burada qiymətin az və ya çox olmasına kirayələnəcək mənzilin şəhərin mərkəzi hissələrindən yaxın və ya uzaq olması,mənzilin görünüşü,hansı avadanlıqlarla təchiz olunması və s. amillər təsir edir.Şəhərin mərkəzi hissələrinə daha yaxın olan mənzillərə təlabat nisbətən daha çox olur.Bu daha çox universitetlərə,metro stansialarına daha yaxın yerlərdir.Təhsil alan tələbələrin əksəriyyəti vaxt amili ilə əlaqədar dərslərinə gecikməmək üçün daha çox şəhərin mərkəzi,xüsusən də metro stansialarına daha yaxın ərazilərdə yerləşən mənzillərə maraq göstərir.Eyni zamanda işləmək üçün paytaxta üz tutan insanlar da iş yerlərinə vaxtında çata bilmək üçün şəhərin mərkəzi hissələrini seçənlər siyahasındadır.

Bəs kirayə mənzil bazarında qiymətlər necə tənzimlənir?

    Araşdırmalar onu göstərir ki,kirayə mənzil bazarında qiymətlərin qalxması və ya düşməsi mövsimi xarakter daşıyır.Bayaq da qeyd elədiyim kimi,kirayə mənzillərə olan təlabat daha çox bölgələrdən gələn vətəndaşlar tərəfindəndir və onların böyük əksəriyyətini təhsil almaq üçün gələn tələbələr təşkil edir.Tətillər başlanıldıqda isə onlar istirahət üçün yenidən bölgələrimizə qayıdırlar.Elə bu ərəfədə də yəni may və iyun aylarından sonra kirayə tutulmuş mənzillər tədricən boşaldılmağa başlayır.Nəticədə növbəti tədris mövsümünün başlanmasına qədər müəyyən durğunluq yaranır və qiymətlər də müəyyən qədər aşağı düşməyə başlayır.Bu müddət ərzində mənzillərinin boş qalmasını istəməyənlər isə qiymətləri aşağı salaraq yeni müştəriləri cəlb etməyə ümid edirlər.Növbəti tədris ilinin başlanması ilə əlaqədar yenidən canlanma yaranan kirayə mənzil bazarında qiymətlər də qalxmağa başlayır.Burada tələb və təklif daha çox insan amili üzərində qurulub desək yəqin ki,yanılmarıq.Çünki paytaxta olan insan axınının başlanması ilə əlaqədar olaraq həm mənzillərə olan tələb və mənzilin qiyməti artır həm də bazara çıxarılan mənzillərin sayı.Tələbin və təklifin bu qədər çox olmasının əsas səbəbi isə universitetlərin tələbələr üçün tikilən yataqxanalarının əksəriyyətinin boş olmamasıdır.Bu səbəbdən də kirayə mənzil bazarına tələbələrin axını daha çoxdur.

Bəs qiymətlər necə dəyişir?

Qiymətlər müxtəlifdir.Araşdırmalar göstərir ki şəhərin mərkəzi hissələrində yerləşən mənzilləri kirayə haqqları 400-500 AZN dən başlayır.Mərkəzdən uzaqlaşdıqca qiymətlər də ucuzlaşır.Bu cür mənzillər 300 AZN və daha aşağı qiymətlərlə təklif olunur.

Hal hazırda təlabatla bağlı olaraq şəhərin mərkəzi hissələrində ev tapmaq müşkül məsələyə çevrilib.Ona görə də əksəriyyət mərkəzdən uzağa müraciət etmək məcburiyyətində qalır.Belə mənzillər bəzən 150 AZN də təklif olunur.Ancaq bu cür evlərin şəraiti tam da ürək açan deyil.