kiraye-evler

 

   Kirayə ev verərkən nələrə diqqət etməli olduğunuzu bilirsinizmi?

Azərbaycanda daşınmaz əmlakın kirayəsi qanunla necə müəyyən olunur?  satin.az saytının araşdırması.

Bütün dünyada olduğu kimi Azərbaycanda da kirayə ev bazarında qiymətlər gün bə gün dəyişir.İstər Bakının mərkəzində,istərsə də mərkəzdən kənarda müxtəlif qiymətlərdə kirayə evlər tapmaq olar.Bəs bu qiymətlər nəyə əsasən təyin olunur?Nə üçün vahid qiymətlər sistemi yoxdur?Kirayə götürənlə mülk sahibi arasında yaranmış problemləri kim və necə həll  etməlidir? Əslində ev və obyektlərin kirayə verilməsi necə olmalıdır?

       Biz satin.az saytı olaraq bunları sizlər üçün ətraflı araşdırdıq.

    “Daşınmaz əmlakın Dövlət reysteri haqqında qanun”a əsasən kirayə ev vermək qanunla müəyyən olunmuş qaydalara əsasən olmalıdır.İlk öncə onu qeyd edimki,kirayənin qiyməti otaqların sayına görə müəyyən edilir.Mülk sahibi və kirayə götürən arasında mütləq müqavilə imzalanmalıdır.Bu müqavilədə kirayənin qiyməti və mülk sahibinin şərtləri öz əksini tapır.Müqavilə müəyyən bir müddəti əhatə edir və bu müddət bitmədiyi təqdirdə mülk sahibi əsaslı səbəb göstərmədən ( məsələn-kirayə götürənin müqavilə şərtlərinə əməl etməməsi,aylıq kirayə haqqını vaxtında ödəməməsi,qonşuların ondan narazı olması və ya mülk sahibinin yaşamaq üçün ayrı yerinin olmayıb o mülkə ehtiyacı olması)  müqaviləni ləğv edərək kirayə götürəni evdən çıxarmağa haqqı yoxdur.Əks təqdirdə mülk sahibi kirayə götürənə kompensasiya ödəməlidir.Kompensasiyanın miqdarı müqaviləyə əsasən müəyyən edilir.Kompensasiya ödənilməzsə kirayəyə götürən mülk sahibini məhkəməyə vermək haqqına sahibdir.

       Tərəflər arasında müqavilənin bağlanması hər iki tərəf arasında yaranmış problemin qanuni həllinə imkan yaradır.Xaricə nəzər salsaq bunun örnəklərini görə bilərik.Elə yaxın Türkiyədə də kirayə məsələləri qanunla nizamlanır.Ancaq Azərbaycanda bu haqda qanun olmasına baxmayaraq bu qanuna əməl edənlərin sayı çox azdır.Əslinə anlamalıdırlar ki,bu tərərflərin özlərinin xeyrinədir.Çünki müqavilə olmadığı zaman heç bir mübahisəli məsələni qanun həll etmir.

Digər tərəfdən müqavilənin olmaması vergidən yayınma hallarını da gündəmə gətirir ki,bu da yolverilməzdir.Vergi qanunvericiliyinə əsasən 2500 manata qədər gəliri olan şəxslər 14 faiz,2500 manatdan artıq gəliri olan şəxslər isə 25 faiz vergi ödəməlidirlər.

   Gəlin hər kəsin xeyrinə olan yolu seçək.Qanuna riayət edək və vergimizi vaxtı vaxtında ödəyək.