Torpaq sahəsi alıb ev tikmək məsləhətdi yoxsa hazır ev almaq?
Torpaq sahəsi necə olmalı?
İlk öncə əgər torpaq sahəsi alıb əvvəldən ev tikməyə başlamaq istəyirsinizsə alacağınız torpaq sahəsinin yerini müəyyənləşdirməlisiniz. Bəzi insanlar torpaq sahəsi alarkən bağ evi kimi şəhərdən kənarda sakit yerdə torpaq sahələrinə üstünlük verirlər. Torpaq sahəsi alarkən münbit torpaqlara nəzər yetirmək lazımdır ki, gələcəkdə bu torpaq sahəsində əkib becərmək mümkün olsun.
Hazır tikili evlər yoxsa torpaq sahəsi alıb ev tikdirmək?
Hamının hazır tikili evlərin mövcudluğundan xəbəri var. Belə evlər satışda var və istənilən rayonda tapmaq mümkündür. Hazır ev almaq daha rahat üsuldur ancaq bu üsul bəziləri üçün heç də sərf etmir. Hazır tikilmiş evləri almaqla biz vaxta qənaət etmiş oluruq. Vaxtı olan insanlar torpaq sahəsi alıb özləri istədikləri kimi ev tikdirə bilərlər.Bu zaman istifadə olunan bütün materialların keyfiyyətinə özləri nəzarət etmiş olar. Hazır tikilmiş evlərdə istifadə olunan materiallardan cox təəsüf ki biz bixəbər oluruq.
Ev tikintisinə nədən başlamaq lazımdır?
Əgər siz torpaq sahəsi alıb ev tikintisinə başlamaq istəyirsinizsə ilk öncə cibinizə uyğun iş görməlisiniz. Əvvəlcə sizin istəyinizə uyğun olaraq evin layihəsi verilməlidir. Daha sonra işçi qüvvəsi və sayı müəyyən olunmalıdır. Razılığa gəldikdən sonra tikintiyə başlamaq olar.
Tikilən evin keyfiyyəti nədən asılıdır?
Ev tikintisində ilk öncə evin özülü qoyulur. Evin özülü qoyularkən onun möhkəmliyinə mütləq fikir vermək lazımdır. Özül nə qədər möhkəm olarsa tikəcəyiniz ev uzunömürlü olar. Əsasən evin tikinitisində keyfiyyətli daşdan istifadə etmək lazımdır. Keyfiyyətsiz daşdan tikilən ev ucuz başa gələ bilər ancaq evin uzunömürlü olmağını sığortalamır. Ev tikdirərkən heç vaxt tələsmək olmaz. Bazardan alınan hər bir materalın keyfiyyətinə əmin olmalısınız.
Evin təmirinə nə zaman başlamaq olar?
Tikdirdiyiniz evin damı örtüldükdən sonra təmir işinə başlamaq olar. Evin təmiri xüsusi zövqlə olmalıdır. Bu işin çox hissəsi əlbəttə ki sizin üzərinizə düşür. Hər şey sizin zövqünüzə uyğun olmalıdır. Giriş qapısını seçərkən xırda detallara fikir vermək lazımdır. Həm keyfiyyətli həm də gözoxşayan olmalıdır. Çünki evə gələn qonaq ilk öncə qapıdan girir. Daha sonra dəhliz nə qədər geniş olarsa ev bir o qədər işıqlı olar. Evin ən vacib hissəsi evin otaqlarıdır. Otaq sayı çox olarsa daha rahat olacaqsınız. Divar kağızları evin demək olar ki gözəlliyidir. Divar kağızlarını seçərkən açıq rənglərə üstünlük vermək lazımdır ki, otaqlar geniş görsənsin.
Həyəti səliqəli etmək üçün nədən başlamaq lazımdır?
Əgər evin tikintisi başa çatıbsa bu zaman həyəti səliqəyə salmaq zamanıdır. Təmir olunan evin həyəti sözsüz ki həmişə səliqəsiz olacaq. Əvvəlcə həyətdə artıq olan əşyaları götürmək lazımdır. Bir şeyi unutmayın ki, evinizə gələn qonaq öncə həyətə nəzər yetirəcək. İstifadə olunmayan artıq ləvazimtları əşyaları həyətdən çıxarın. Həyətin təmizliyinə xüsusi fikir vermək lazımdır.
Torpaq sahəsindən səmərəli istifadə etmək üçün nə etməliyik?
Evi tikdirib bitirdikdən sonra əgər torpaq sahəniz az da olsa artıq qalıbsa bu torpaq sahəsindən səmərəli istifadə etmək lazımdır. Məsələn artıq qalan sahədə kiçik (el arasında əl evi deyilən) ev tikdirə bilərsiniz. Adı kiçik olsa da ancaq sizin işinizə çox yararlı olacaq. Həyətdə olan artıq əşyaları, tikinti ləvazimatlarını ora yerləşdirə bilərsiniz. Ev tikintisi olan həyətdə mütləq şəkildə artıq material qalır. Bu materialları da kiçik evə qoya bilərsiniz. Bu zaman həyətiniz daha səliqəli olacaq və həyətdə gözə görünən artıq heç nə olmayacaq