EV VƏ EVSİZLİK

EV VƏ EVSİZLİK

 

          İnsanın öz mövcudluğunu sürdürməsi üçün ən vacib tələbatlardan biri də onun yaşayış məskəninin olması, başqa sözlə, hardasa məskunlaşmasıdır. İnsan oğlu və ümumilikdə, bütün canlılar dünya üzərində ilk peyda olduqları gündən bəri hansısa sığınacağa ehtiyac duymuş, ətraf-aləmin mümkün qorxulu təsirlərindən xilas olmaq üçün təhlükəsiz bir “məkan” bir “yer” axtarışına başlamış və bunun nəticəsində “ev” anlayışı ortaya çıxmışdır. Dünya fəlsəfi fikrində ev mürəkkəb fenomendir; insanın sadəcə həyatını sürdürdüyü dörd tərəfi örtülü bir bina anlayışından daha ziyadə, insanın mənən, fizikən və ruhən bağlandığı hansısa substansiyadır, çünki yaşam adlandırdığımız şeyin əksər, bəlkə də, böyük bir qismi evlərdə keçir; orda yemək yeyir, orda yatır, orda oyanır, çöldəki fəaliyyətimiz qurtardıqdan sonra mütləq şəkildə ora qayıdırıq. Bu baxımdan, evlərə “mütləq qayıdış məkanı” kimi də baxmaq mümkündür.

          İnsanın ibtidai dövrdəki həyat tərzi ilə bugünkü modern yaşamı arasındakı fərqlər bir uçurum həddində olsa da, etiraf olunmalı bir şey var ki, forma çox dəyişmiş, mahiyyət isə eyni qalmışdır, yəni ibtidai icma cəmiyyətinin mağaralarda, sığınacaqlarda yaşayan primitiv insanı da, günümüzün modern, lüks, görkəmli mənzillərində yaşayan insanları da ortaq bir ehtiyac – məskunlaşma ehtiyacı üçün ev dediyimiz məkana ehtiyac duymuşlar. İbtidai şəraitdə ibtidai vasitələrdən istifadə edilərək təkmilləşdirilən sivilizasiya mədəniyyəti minillər boyunca özünəməxsus təkamül yolu keçmiş və insanların mağara “mədəniyyət”i getdikcə sıradan çıxmış, yerini qamışdan, ağacdan binalara, sonra daşdan, gildən, kərpicdən hörülmüş möhkəm evlərə buraxmışdır. Artıq ibtidai dövrün sonlarına yaxın insanlar daha sivil və yaşanaqlı yerlərdə məskunlaşmışdır. Sonra gələn qədim və orta əsrlər dövrünün ecazkar mədəniyyəti dünya tarixində dərin iz salmış və memarlıq və inşaat incilərini mədəniyyətə bəxş etmişdir. Modern dövrümüzdə isə ev məsələsi, ilkgünkü, ilkzamankı qədər mürəkkəb olaraq qalır. Artıq insanların öz yaşamlarını davam etdirmək üçün bizim bildiyimiz anlayışda evlərə və bina mənzillərinə gərək duyduqları danılmaz bir gerçəkdir, lakin bununla belə, sivilizasiyadan geri qalan bəzi ərazilərdə məskunlaşma mədəniyyəti hələ də öz primitivliyi ilə diqqəti cəlb edir.

          Son illərdə bölgələrinin davamlı inkişaf və dəyişimə uğramasına baxmayaraq, Azərbaycanda əksər sosial, iqtisadi və mədəni infrastrukturun paytaxtda cəmləşməsi heç kəs üçün sirr deyil, belə olan halda, ölkənin ən modern, ən təmin olunmuş mənzil bazarı da birbaşa Bakıya şamil edilir. 2000-ci illərin əvvəllərində mənzil bazarında olan ucuzluqdan indi əsər-əlamət yoxdur, zira neftin qiyməti, dünya iqtisadi böhranı, son illərdə dolların sürəkli bahalaşması və s. kimi danılmaz səbəblər nəticəsində ölkədə ümumistehlak malları, sosial xərclər, istirahət xərcləri və s. ilə birlikdə, mənzil qiymətləri də yüksəlmişdir, bununla belə, tələbatları ödəyən və qiymətləri “xudmani” sayıla biləcək mənzillər tapmaq da mümkündür. Bakı şəhərini başdan-başa bürümüş “makler dəllalları” şəbəkəsindən kənar dayanmaq üçün modern vasitələrdən istifadə etmək daha məqsədəuyğundur. Artıq onlayn ticarətin bu cür vüsət aldığı bir dönəmdə insanlar mənzil axtarışlarını da ilk növbədə internet üzərindən həyata keçirirlər. Bunun bir sıra üstünlükləri: vaxt qənaəti, aldadılma riskinin azlığı, seçim şansının çoxluğu və əlçatanlığın, optimallığım yüksək olması kimi sıralana bilər. Günümüzdə gənclər, gənc ailələr  üçün ən aktual problemlərdən biri də “ev məsələsi”dir. Bu “ev məsələsi”nə evsizlik, ev almalı olmaq, bunun kifayət qədər yüksək xərcləri və s. daxil edilə bilər. İstədiyi mənzili almaq və evsizlikdən qurtulmaq üçün vətəndaş/-lar illərlə çalışmalı olurlar, sonda seçim anında isə illərin əməyinin zaya getməməsi üçün ikiqat diqqətli olmaq lazımdır.

          Bir çox əmlak saytının fəaliyyət göstərdiyi Azərbaycanda isə özünəməxsusluğu, operativliyi və çoxseçimliliyi ilə diqqət cəlb edən SATIN.AZ saytı mənzil almaq, kirayələmək sahəsində insanlara kömək edir. Saytda yerləşdirilən məlumat/elanların aktual olması, resursların zənginliyi seçim mərhələsini daha da səmərəli edir, bundan əlavə, yeni tikili və ya köhnə tikili seçim panellərinin olması və hər birində çoxotaqlı (1-dən 5-dək) mənzillərin göstərilməsi, Bakı şəhərinin əksər rayonlarını əhatə edən çevik axtarış sisteminin mövcud olması, sayta elan yerləşdirməyin asanlığı onun işlək mexanizminin əsas açar xüsusiyyətlərindəndir.

          Bu səbəbdən, sizi öz keşməkeşli mənzil axtarışlarınıza son qoymaq və optimal seçiminizi həyata keçirmək üçün SATIN.AZ saytından faydalanmağa dəvət edirik. Heç kəs evsiz qalmasın.