Muxtelif dasınmaz emlak, xususile ev alqi satqisi meselelerinde  saytlar bize nece komek edir?

 

Məqaləmizdə biz bu məsələyə də yönələcəyik, ancaq...  Bir qədər sonra...

Xalq arasında belə bir yaxşı deyim var; ”Evin tikilsin...”

Bunu xeyirə yaxud şərə yozmaq tərəf müqabilimizdən asılıdır, ancaq biz bugün sözün həqiqi mənasını varacayıq.  Hazırki dövrdə, xüsusilə yaşayış mənzillərinin baha qiymətlərlə  əl yandırdığı  zamanda bir-birimizə bunu arzulamağımız lap yerinə düşür.

İqtisadi inkişaf, hər il büdcəyə daxil olan artımlı gəlir,hər il həyat şəraitinin nisbətən yaxşılaşdırılması  cəhdləri ölkəmizdə, xüsüsilə paytaxtda uzun illərdir mövcud olan daşınmaz əmlak bazarında irəliləyiş yarada bilmir.Ancaq tək təsəlli budur ki, bu problem təkcə ölkəmizdə mövcud deyil, dünyanın əksər inkişaf etmiş ölkələrində, xüsusilə meqapolislərdə insanların yaşayış mənzillərinə olan təlabatı ödənmir.Ekspertlər bu problemin kökünü müxtəlif səbəblərlə izah etsələr də gəlin görək daşınmaz əmlak bazarında ölkə reallığı necədir?

 Elə bir əsrdə yaşayırıq ki, bəzən işlərimizi  texnologiyanın öhdəsinə buraxmaqla  bir növ rahatlamağa çalışırıq. Mənzil almaq fikrinə düşən şəxs öncə bu araşdırmanı   müxtəlif saytlar vasitəsilə aparmağa çalışır. Əbəttə ki, çox zaman bu üsul alıcıya istədiyi nəticəni verir.

Ölkəmizdə  mənzil qiymətlərinin orta təminatlı azərbaycanlı ailələrin aylıq (illik) gəlirindən çox çox yüksəkdə olması danılmaz faktdır. Hətta çox zaman qiymətləri gördükdə real olub- olmadığına da şübhə edirik. Və təbii ki, ev alqi satqisi zamanı təqdim olunan qiymətlər qarşısında aciz qalan  əhalinin əksər faizi bu təlabatı ödəmək üçün bankların təklif etdiyi yüksək faizli kreditlərə üz tutur.

Bəs mənzillər niyə bu qədər bahadır? Yaşayış binalarının  tikintisi daha çox özəl şirkətlər tərəfindən həyata keçirildiyi üçün onların qiymətləndirilməsi məsələləri də müstəqil şəkildə təyin olunur. Məhz bu baxımdan dövlətin qiymət tənzimlənməsi məsələlərinə müdaxiləsi də bir qədər çətinləşir. Ancaq təbii olaraq bu sahədə də müəyyən islahatlar aparılır, xüsusilə gənc ailələrin uyğun şərtlərlə mənzil sahibi olmalarına cəhd edilir.

Bəzən tikintini həyata keçirən şirkət,onlara sərf edilən vəsaitlə təyin olunan qiymət arasında böyük fərq olduğunun fərqinə varmır.Sözsüz ki, mənzil sahibi olmaq istəyən hər bir alıcı, hər şeydən öncə  ev alqı-satqısı üzrə geniş araşdırma aparmalı, hətta mümkün olduqda bir mütəxəssislə məsləhətləşməlidir. Bundan əlavə bu sahədə dolğun məlumat ala biləcəyəyimiz saytlarla da maraqlanmaq bizə sözsüz komək edecəkdir.

Bəs mənzil alarkən nələrə diqqət yetirməliyik?

Ekspertlər tövsiyə edir ki, öncə alıcı sahib olmaq istədiyi tikilinin etibarlı bir şirkətə aid olub-olmadığını haqda ətraflı araşdırma aparmalıdır.

Əgər nəzərdə tutulan mənzil təmirlidirsə, bunun üçün istifadə edilən tikinti materiallarının keyfiyyət dərəcəsi diqqətə alınmalıdır. hətta bu göstərici, mənzilin qiymətinə təsir göstərən başlıca amildir. Əksinə, sahib olmaq istədiyiniz mənzil təmirsiz təklif edilirsə,bu zaman həmin mənzilin ilkin təmirinə, tikilmə üsüluna, mənzilin layihəsinə diqqət yönəlməlidir. Əlbəttə ki, tikilinin mərkəzdə yaxud kənarda yerləşməsi,ictimai nəqliyyata yaxınlığı, kommunal xidmətlərin keyfiyyəti və tamlığı sizin sahib olmaq istədiyiniz mənzilin qiymət təyinatında böyük önəm daşıyır.

Daşınmaz əmlakın, xüsusilə yaşayış evlərinin alqı-satqısı, həyatımızın bir hissəsinə çevrilə bilərək önəmli ehtiyaclar sırasında olsa da,araşdırmalar göstərir ki,ictimaiyyətin bu sahədə maariflənməsinə, yeni bilgilər almasına böyük ehtiyac duyulur.Missiyamızın məhz buna yönəldiyini bir daha nəzərinizə çatdıraraq, sizə xeyirli alış-veriş arzu edirik!