Evinizin satış qiymətini qaldırmağın yolları
Evini yaxşı qiymətə satmaq hər kəsin arzusudur. Evi yenidən başdan aşağı təmir ettirmək adətən evin qiymətinin artmasına səbəb olur. Lakin əgər o evdə həm də yaşayırsınızsa və bu təmir üçün yetərincə maddi vəsaitiniz yoxdursa, o zaman verəcəyimiz bu məsləhətlər tam Sizə görədir.
• Evin çöl qapısından başlayın. Alıcı ilk əvvəl evinizin qapısını görəcəkdir. Əgər möhkəm və keyfiyyətli polad qapınız yoxdursa və buna vəsaitiniz yoxdursa, qapınızı gözəl bir rəngə boyaya bilər və ya kiçik bəzəklər asa bilər və girişi işıqlandıra bilərsiniz.
• Evinizi mütləq səliqə sahmana salın. Səliqə sahmana salınmış ev daha gözəl və daha geniş görünür.
• Evinizi təmizləyin. Eviniz çirklidirsə, alıcı Sizin istədiyiniz detallar əvəzinə evin natəmizliyinə diqqət edəcək və evinizlə bağlı xatırlayacağı ilk şey evinizin natəmizliyi olacaqdır. Çirkli pəncərələr, misal üçün, evinizi daha qaranlıq göstərəcək. Bir evi yeniləməyin ən ucuz yolu o evi təmizləməkdir.
• Əmlak bazarını araşdırın. Evinizin qısa bir zamanda satılmasını istəyirsinizsə, evinizin daha çox hansı tip müştərilərin diqqətini çəkəcəyini müəyyən edin və o müştərilərin ehtiyac və zövqünə görə evinizdə dəyişikliklər edin. Məsələn, evinizin divarlarının yenidən boyanması ilk dəfə ev alan birinin diqqətini çəkər. Çox güman ki, ilk dəfə ev alan şəxs ev üçün çox da xərc çəkmək istəməyəcəkdir. Eyni zamanda hər hansı bir daşınmaz əmlak ofisindən nəyin satılıb satılmadığını soruşa bilərsiniz. Sizin evinizlə oxşar evləri gedib görməyiniz və ya internetdən araşdırmağınız da işinizə yaraya bilər. O evlərdə müştəri olaraq nədən xoşunuz gəldiyini bir kənarda qeyd edərək eyni dəyişiklikləri və detalları Siz də öz evinizdə tətbiq edə bilərsiniz
• Gözə çarpan problemləri aradan qaldırın. Qapı kənarında və ya pəncərədə çat, parketdə xırda təmirə ehtiyacı olan işlər, boyama lazım olan xırda işlər. Bunlar xırda detallar kimi görsənsə də, alıcının gözünə çarpan detallardır və nəticə etibarilə Sizə baha başa gələ bilər. Əmin olun ki, xırda problemlemləri təmir etmək hər zaman daha ucuz başa gələcək.
• Evinizdə xoşagəlməz qoxular olmasın. Heç bir şey alıcıyı evdən pis qoxular qədər uzaqlaşdıra bilməz. Pəncərələri açın və evinizi havalandırın. Əgər varsa, pis qoxunun mənbəyini aradan qaldırın. Sizə kiçik bir hiylə verək. Əgər alıcı gəlmədən öncə evinizdə hər hansı bir şirni bişirsəniz, alıcının ağlında evlə bağlı xoş xatirələr qalacaqdır.
• Divarlarınızı təmizləyin. Əgər divarlarınız təmizlənə bilən divardırsa, alıcı evinizi görməyə gəlmədən öncə mütləq divarlarınızı təmizləyin.
• Təbii rənglər istifadə edin. Statistikaya görə tünd rəngli divarlar hər zaman alıcı sayını aşağı salı
• Əgər mümkündürsə, yaz aylarını gözləyin. İnsanlar bu aylarda daha çox yeni bir şeylər satın almağa həvəsli olurlar.
• İşıqlandırmaya fikir verin. Eviniz nə qədər işıqlı olarsa, o qədər yaxşı təəssürat oyadacaqdır. Seçəcəyiniz bir neçə kritik nöqtəyə qoyacağıniz işıqlandırmayla evinizin qaranlıq bucaqlarının neqativ təsirindən qurtula bilərsiniz.
• Kvadrat metr satırsınız. Unutmayın ki, alıcı kvadrat metr alır. Evinizin hər kvadret metrinin yaşayış sahəsi olduğunu göstərin.Məsələn, balkonunuz varsa, oraya stol ve stullar qoyun .
• Evinizi satış üçün dekorasiya edin. Mebelləri öz rahatlığınıza uyğun olaraq yerləşdirmiş ola bilərsiniz. Məsələn, qonaq otağında tam televizorun qarşısında böyük bir divan sizin üçün rahat ola bilər. Amma bu otağın daha dar və kiçik görünməsinə səbəb ola bilər.
• Evinizin yerləşdiyi yeri satın. Evinizə yaxın yerləşən önəmli yerlərin (metro, məktəb, universitet, restoran, supermarket və s.) siyahısını çıxarın və bunu alıcının nəzərinə çatdırın.
