BÖYÜK PROBLEM YARADAN BALACA MİFLƏR
Balaca mənzilin dizaynı haqqda bir neçə mif.
Görürəm, artıq qum rəngli mebel bəyənib, bej rəngində oboy secib, beş dənə də dolab qoymağa hazırlaşırsınız? Onda biz Sizə köməyə gəlirik!
Praktika onu göstərir ki, miflər yalnız Qədim Yunan Allahları haqqda yox, ev dekorasiyası kimi fani problemlər də haqqda olur. Bu mənada texnologiya və internet bizə oyun oynayır – professionallar tərəfindən yoxlanılmamış və təstiq olunmamış miflər və səhv fikirlər saniyə ərzində hər yerə yayılıb, popular olur.
Bu gün Sizə ən popular miflərdən danışacağam. Tək məqsədim, bu yalan fikirlərin Sizin planlarınıza soğan doğramamaqlarıdır! “ Bəs burada yazılana necə inanmalıyam?” sualını verənlər aşağıda yazılanın tam məntiqə uyğun olduğunu başa düşəcəklərinə əmin ola bilərlər.
“Sahəni artıq diqqətlə planlaşdırın, mebel seçiminə də diqqətlə yanaşın, maraqlı tekstil qatmağa yaddan çıxartmayın – və, vuala, rahat və tərzli mənzil hazırdır!” – deyənlərə qulaq asmağa dəyməz.
Əlbətdə, asılmış rəflər və dolablar ideyası heç də pis deyil. Amma məs balaca mənzillərdə bəzən bu fikirdən uzaq durmaq lazım olur. Məsələn, dolab – kupe seçə bilərsiniz. Bəli, o otaqda və ya dəhlizdə yer tutacaq, amma heç olmasa başınızın üzərində heç nə olmayacaq ( belə şeylər bəzi adamların ürəyini sıxır ), və vizual şəkildən mənzil daha böyük görünəcək. Yaxud belə bir variant var : asılmış dolablara və rəflərə yalnız bir dənə divar ayırın.
Razı olun, məntiqli gəlir? Çox zaman mebelin ölçüsünü yox, sayını qurban etmək lazım olur. Birincisi, çoxsaylı xirda mebel otağı bir neçə sahəyə bölür, və hər şey elə bil üst-üstə görünür. İkincisi isə, böyük mebel vizual cəhəddən interyeri sanki bir yerə yığır.
Beləliklə, balaca mənzillər həm də sevimsiz olur : ev sahibləri əlvan rənglərdən qorxub, monoton interyer yaradırlar. Açıq və tünd rənglərlə oynayaraq, mənzili görünüşcə daha böyük etmək olar. Açıq fonda parlaq rəngli mebelin doğru seçimi və düzülüşü nəinki evi böyüdəcək, həm də onu daha maraqlı və zövqlü edəcək.
Mənzilin ölçüsünə ümumi şəkildə baxıb, onun hər tərəfini vizual şəkildə böyütməyə çalışmalısınız. Yoxsa, qorxuram, Sizi tonnelə oxşar dəhliz və quyuya bənzər hamam otağı gözləyə bilər. Ona görə də, dəhliz və tualet – hamam otaqları kimi yerlər üçün də rəng və dekor seçimində diqqətli olmağı Sizə məsləhət ğörürəm.
Fikirləşin ki, hansı hallarda yalnız qalmaq istərdiniz? Aydındır ki, bağlı qapı arxasında yatmaq və çimmək istəyərsiniz. Amma bax mətbəxi otaq ilə birləşdirib, yemək otağlı, və yaxud, qonaq otağı düzəltmək olar. Müasir aspiratorlar öz işlərini çox gözəl görür, buna görə də yemək qoxusundan qorxub, mətbəxi qapı ilə ayırmaq artıq lazım olmayan bir şeydir.
Gəlin sayaq, mənzilinizdə neçə dənə elektrocihaz işlətmək fikriniz var : televizor, DVD – pleyer, musiqili sentr, telefon, noutbuk, telefon üçün çarcer, tozsoran – gördüyünüz kimi, heç də az deyil. Əvvəldən rozetkaların sayını planlaşdırın ki, sonradan basabas olmasın. Belə şeylərdə xəsisliyin yeri yoxdur.
Balaca mənzil sahiblərinin bir dənə də qorxusu – masalar. Düzdür, artıq masalar evi daha balaca göstərir, lakin, elə hallar var ki, masanın olması mütləqdir. Məsələn, mətbəxdə balaca bir masa dünyanın sonunu çağırmaz. Birincisi, hər dəfə oradan – oraya yemək daşımaq narahatdır. İkincisi, mətbəxdə hər şey əlinizin altında olur ( misal üçün, təmiz çəngəl – bıçaq ) , qonaq otağında yemək yeyilsə isə, dəqiqə başı mətbəxə getməli olacaqsınız. Üçüncüsü isə, yalnız bir masa almaqla, Siz onun seçimini çox çətinləşdirirsiniz : jurnal masasının arxasında yemək narahatdır, böyük nahar masası isə həddindən artıq yer tutur. Əlbəttə, transformer – masalar mövcuddur, amma onların modelləri nisbətən az olur. Ən rahatı mətbəxə kompakt bir masa tapmaqdır.